टीम मंगळवेढा टाईम्स ।
मंगळवेढा पंचायत समितीच्या सभापती निवडीकडे संपूर्ण तालुक्याचे लक्ष लागले असून, संत चोखामेळानगर गणातून विक्रमी मताधिक्याने विजयी झालेल्या दीपाली आनंद ताड यांचे नाव सभापती पदासाठी आघाडीवर आहे.
विशेष म्हणजे, आज ‘जागतिक महिला दिन’ असल्याने तालुक्यातील महिला वर्गातून दीपाली ताड यांनाच ही संधी मिळावी, अशी प्रबळ मागणी होत आहे.
पहिल्याच प्रयत्नात ऐतिहासिक विजय
दीपाली ताड यांनी पहिल्याच प्रयत्नात संत चोखामेळानगर गणातून निवडणूक लढवून सर्वात मोठ्या मताधिक्याने विजय मिळवला आहे. त्यांच्या या विजयाने सर्वांचे लक्ष वेधून घेतले असून, त्यांच्याकडे असलेली कामाची जिद्द पाहता त्यांना सभापती म्हणून संधी मिळण्याची दाट शक्यता वर्तवण्यात येत आहे.
समाजकार्याची मोठी शिदोरी
आमदार समाधान आवताडे यांच्या मार्गदर्शनाखाली दीपाली ताड आणि आनंद ताड यांनी पाठकळ गावापासून ते मुंबईपर्यंत अनेक समाजोपयोगी कामे केली आहेत.
पाणी टंचाईवर मात: उन्हाळ्यातील भीषण पाणी टंचाई लक्षात घेता, कोणतेही सत्ताधारी पद नसतानाही त्यांनी स्वखर्चाने गावात पाण्याचे टँकर सुरू करून ग्रामस्थांना दिलासा दिला होता.
विकासकामे: येणाऱ्या काळात आमदार समाधान आवताडे यांच्या माध्यमातून तालुक्यात मोठी विकासात्मक कामे मार्गी लावण्याचा मानस त्यांनी व्यक्त केला आहे.
१२ मार्चला होणार अधिकृत निवड?
पंचायत समितीचे सभापती पद हे ‘सर्वसाधारण महिला’ प्रवर्गासाठी आरक्षित आहे. या पदासाठी दीपाली ताड यांच्या नावावर जवळपास शिक्कामोर्तब झाल्याचे बोलले जात आहे.
आता केवळ औपचारिक घोषणा बाकी असून, येणाऱ्या १२ मार्च रोजी त्या अधिकृतपणे पंचायत समितीचा कारभार हाती घेतील, अशी चर्चा राजकीय वर्तुळात रंगली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
