मंगळवेढा टाईम्स न्युज।
जिल्हा परिषद व पंचायत समिती निवडणूकीसाठी मंगळवेढा तालुक्यात चुरशीने 65.52 इतके टक्के मतदान झाले.
मतदानादरम्यान मुढवीत किरकोळ वादावादीची घटना वगळता अन्य ठिकाणी शांततेत मतदान झाले. उशिरापर्यत ग्रामीण भागात मतदानासाठी रांगा लागल्या होत्या.
जिल्हा परिषदेच्या चार आणि पंचायत समितीच्या आठ जागेसाठी ही निवडणूक प्रक्रिया पार पडली.
1 लाख 69 हजार 539 मतदारांपैकी 1 लाख 11 हजार 86 मतदारांनी मतदानाचा हक्क बजावला 57 हजार 836 पुरुष तर 53 हजार 350 स्त्रियांनी मतदान केले.
चोखामेळा नगर गणात क्षेत्र विकास आघाडीच्या उमेदवार संगीता लेंडवे यांनी पाठिंबा भाजपच्या दिपाली ताड यांना दिला होता. तर दामाजी नगर जिल्हा परिषद गटातील अमोल टेळे यांनी आपला पाठिंबा तिर्थक्षेत्र विकास आघाडीचे महावीर ठेंगील यांना दिल्यामुळे लक्ष्मी दहिवडी जिल्हा परिषद आणि लक्ष्मी दहिवडी गण वगळता बाकी ठिकाणी दुरंगी लढत झाली.
भोसे गटात डी फॅक्टर मोठ्या प्रमाणात चालला असून त्यामुळे प्रदीप खांडेकर यांना विजयाची संधी आहे.
हूलजंती गटात देखील संगीता दुधाळ यांच्या बाजूने कल गेले असल्याचे बोलले जात आहे तर मरवडे गावात निकालाच्या आधीच फटाके फोडून आनंद साजरा केला गेला आहे.
गट निहाय मतदान
भोसे गटात 30 हजार 847 मतदारांनी आपला हक्क बजावला असून त्यामध्ये भोसे गणांतून 16 हजार 365 तर रड्डे गणांतून 14 हजार 482 इतक्या मतदारांनी मतदान केले आहे.
लक्ष्मी दहिवडी गटात 27 हजार 217 मतदारांनी आपला हक्क बजावला असून त्यामध्ये संत चोखामेळानगर गणांतून 12 हजार 506 तर लक्ष्मी दहिवडी गणांतून 14 हजार 711 इतक्या मतदारांनी मतदान केले आहे.
हुलजंती गटात 28 हजार 376 मतदारांनी आपला हक्क बजावला असून त्यामध्ये हुलजंती गणांतून 13 हजार 777 तर मरवडे गणांतून 14 हजार 599 इतक्या मतदारांनी मतदान केले आहे.
संत दामाजीनगर गटात 24 हजार 646 मतदारांनी आपला हक्क बजावला असून त्यामध्ये संत दामाजीनगर गणांतून 11 हजार 30 तर बोराले गणांतून 13 हजार 616 इतक्या मतदारांनी मतदान केले आहे.
काल सकाळच्या सत्रात मतदानाचा वेग अतिशय संथ होता दिवसभर मजूरीच्या कामानंतर सायंकाळी मतदानाचा वेग वाढला.
वयोवृद्ध मतदारांना त्यांच्या नातेवाईकांनी जमेल त्या वाहनात आणून त्यांचे मतदान करून घेतले. मरवडे येथे संभू गणपाटील 112 वर्षाच्या वयोवृद्धाने मतदान केले.
विधानसभेप्रमाणे बाहेरील मतदारांना आणण्याची व्यवस्था करण्यात आली नसल्यामुळे मतदानाचा टक्का यंदा घसरला. त्यामुळे या घसरलेल्या मताचा टक्का हा कुणाला बसणार हे देखील पाहणे महत्त्वाचे आहे.
मरवडे येथे मतदान केंद्राच्या आवारात उल्लडबाजी केलेल्या तरुणांना पोलिसांचा लाठीचा चोप दिला.
दामाजीनगर गटामध्ये भीमा नदीत पाणी आणि जातीय समीकरणावर चुरशीने मतदान झाले. तर हुलजंती जिल्हा परिषद गटामध्ये संगीता दुधाळ व जयश्री माने हे एकाच समाजाचे उमेदवार असल्याने ठिकाणी देखील चुरस दिसून आली.
हुलजंती गणातून मिळणाऱ्या मताचा मताधिक्यावर या विजयाचे गणित बांधले जाणार आहे भोसे जिल्हा परिषद गटात सुरुवातीला भूमिपुत्राच्या मुद्द्यावर गाजली अखेरच्या टप्प्यात ही निवडणूक जातीय समीकरणावर येऊन ठेपले. परंतु प्रत्यक्षात मतदान कोणत्या समीकरणावर झाले हे देखील. या ठिकाणी पाहणे महत्त्वाचे ठरणार आहे.
निवडणुकी दरम्यान कोणताही अनुचित प्रकार घडू नये म्हणून पोलीस उपअधीक्षक डॉ. बसवराज शिवपुजे, पोलीस निरीक्षक दत्तात्रय बोरीगिड्डे, यांनी कडेकोट बंदोबस्त तैनात केला.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
