टीम मंगळवेढा टाईम्स ।
ज्या हॉस्पिटलमध्ये कोरोना रुग्णांच्या जीवाशी खेळले जाते, भरमसाठ बिले करून लूट केली जाते, त्या हॉस्पिटलांच्याबाबत प्रशासन कोणती पाऊले उचलणार? असा सवाल येथील सर्वसामान्य जनता विचारत आहे.
मंगळवेढा तालुक्यातील कोविड सेंटर मध्ये कोरोना उपचाराच्या नावाखाली अनेक गैरप्रकार घडत असल्याचे नागरिकांतून बोलले जात आहे. शासनाने ठरवून दिलेल्या नियमानुसार हे हॉस्पिटल वागत नाहीत त्यांनी स्वतंत्र कायदा अमलात आणला असुन त्या कायद्याअंतर्गत रुग्णांना भरमसाठ बिले दिले जात आहेत.
हॉस्पिटलच्या प्रत्येक बिलाचे ऑडीट केले जावे,स्वतंत्र लेखापाल नेमण्यात यावा,कोरोना रुग्णांची लूट थांबवण्यासाठी प्रशासन कोणती पावलं उचलणार? याची आतुरतेने कोरोनाग्रस्त रुग्ण वाट पाहत बसले आहेत.
बाबांनो रुग्णांची लूट थांबवा
कोविड रुग्णालयांनी रुग्णांची अक्षरशः लूट सुरू केली आहे. कोरोना संशयित रुग्णांना चाचणी करण्याचा सल्ला न देता पैशाच्या हव्यासापोटी येथे औषधोपचार दिले जात आहेत. मात्र आजार बळावल्यावर उशिरा चाचणी केल्यामुळे केल्यामुळे संबधित रुग्णांच्या जीवितास धोका निर्माण होतो.
अशा रुग्णांकडून त्यांच्या कुटुंबियांना व त्यांच्या संपर्कात आलेल्या व्यक्तींना कोरोनाची बाधा होते. अशाप्रकारे कोरोनाचा फैलाव वाढत आहे.
मंगळवेढा तालुक्यातील मोजकेच डॉक्टर संशयित रुग्णांना कोरोना चाचणी करून घेण्याचा सल्ला देत प्रामाणिकपणे रुग्णसेवेचे कर्तव्य बजावत आहेत. मात्र काही डॉक्टर कोरोना संशयित व अन्य आजाराच्या रुग्णांना उपचार देत अवास्तव बिले वसूल करीत आहेत.
कोरोनाच्या भीतीने घाबरलेल्या रुग्णांना ‘अंगदुखी, सर्दी, ताप, खोकला असेल तर काही नाही, व्हायरल आहे’, असे सांगत महागडी औषधे देत आहेत. कोरोनाची शक्यता व्यक्त न करणारे डॉक्टर संबंधित रुग्णांना अक्षरशः देवदूत वाटत आहेत.
ज्याची प्रतिकारशक्ती चांगली आहे, असे काही रुग्ण यातून बरेही होत आहेत. यामुळे संबंधित रुग्णांचा अशा डॉक्टरांवरील विश्वास द्विगुणित होत आहे.
काही रुग्णांचा आजार बळावतो आणि त्यांची कोरोना चाचणीही पॉझिटिव्ह येते. अशावेळी संबंधित डॉक्टरांचे खरे रूप लक्षात येते. मात्र कोरोना चाचणी केलेली नसल्यामुळे हे कोणाच्या लक्षातही येत नाही.
तालुक्यातील बहुतांशी खासगी डॉक्टर अवास्तव आकारलेल्या उपचार खर्चाचे बिल देत नाहीत आणि रुग्णही बिलाची मागणी करीत नाहीत. यामुळे याबाबत तक्रारीही होत नाहीत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज