मंगळवेढा टाईम्स न्युज नेटवर्क ।
जिल्हास्तरीय आकस्मिक पाणी आरक्षण समितीमध्ये झालेल्या निर्णयानुसार उजनी धरणातून सोमवारी सकाळी नऊ वाजता सोलापूरला पिण्यासाठी पाणी सोडण्यात येणार आहे.
सोलापूरबरोबरच पंढरपूर, सांगोला, मंगळवेढा नगरपरिषद व नदीकाठच्या ग्रामपंचायतींच्या पिण्याच्या पाण्याची सोय होणार आहे.
यंदा जिल्ह्यात चांगला पाऊस झाल्याने उजनी धरण 100 टक्के भरले होते. पावसाचा जोर सुरूच असल्यामुळे जवळपास 100 टीएमसीपेक्षा जास्त पाणी पावसाळ्यात नदीपात्रातून सोडून देण्यात आले.
उजनी धरण 100 टक्के भरल्यानंतर त्यावर अवलंबून असलेल्या शेतीच्या व पिण्याच्या पाण्याचे नियोजन करण्यात आले होते. त्यानुसार सोलापूर शहरासह इतर तीन नगरपरिषदा व नदीकाठच्या ग्रामपंचायतींना पिण्यासाठी पाणी सोडण्यात येणार आहे.
शनिवारी कालव्याच्या माध्यमातून शेतीसाठी सोडण्यात येत असलेले पाणी बंद करण्यात आले आहे. त्याचबरोबर बोगद्याच्या माध्यमातून सीना नदीमध्ये सोडण्यात येणारे पाणीही शनिवारी बंद करण्यात आले आहे.
कालवा व बोगद्यातून सुरू असलेले पाणी बंद करून आता भीमा नदीमध्ये पाणी सोडण्यात येणार आहे. भीमा नदीत सोडलेले पाणी सोलापूरच्या औज बंधार्यात पोहोचेपर्यंत सुरूच राहणार आहे. त्यावेळी नदीकाठचा वीजपुरवठा कमी करण्यात येणार आहे.
जेणेकरुन पाणी वेळेत सोलापूरजवळील औज बंधार्यात पोचणे सोपे जाणार आहे. उजनी धरणातून भीमा नदीत सोमवारी सकाळी नऊ वाजता 1600 क्युसेकने पाणी सोडले जाणार आहे. त्या पाण्यामध्ये टप्याटप्याने वाढ करण्यात येणार आहे. त्यामुळे भीमा नदी काठच्या सर्व नागरीकांनी नदीपात्रात उतरु नये.
शेती पंप, अवजारे, जनावरे तत्काळ हटविण्याचे आवाहन
नदी मधील शेती पंप, नदी काठची शेती अवजारे व तत्सम साहित्य अथवा जनावरे असल्यास तत्काळ हटविण्याचे आवाहन पाटबंधारे विभागाने केले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
