मंगळवेढा टाईम्स न्युज नेटवर्क।
मंगळवेढा येथील नगराध्यक्ष पदाच्या उमेदवार सुनंदा आवताडे यांच्या उमेदवारी अर्जावर हरकत घेतल्याने त्याची सुनावणी पंढरपूर न्यायालयात सुरू होती. त्याचा निकाल दि.२७ नोव्हेंबर रोजी लागला. तोपर्यंत निवडणूक आयोगाचा एक आदेश जारी झाला होता. यामध्ये ज्यांचे अपील न्यायालयात सुनावणीसाठी आहे,
तसेच सुनावणी झाली आहे, मात्र निकाल झालेला नाही अशा जागेसाठी चिन्ह वाटप करू नये, अशा सूचना देण्यात आल्या होत्या. त्यानंतर लगेच दि.२७ नोव्हेंबरला
दुसरा आदेश निवडणूक आयोगाने जारी केला आणि यामध्ये २६ नोव्हेंबरपर्यंत चिन्ह वाटप करता आले नाही, अशा जागांची निवडणूक पुढील आदेश येईपर्यंत स्थगित करण्यात येत असल्याचे सांगण्यात आले आहे.
त्यामुळे मंगळवेढा नगरपरिषदेच्या नगराध्यक्षांची निवडणूक स्थगित ठेवायची, की संपूर्ण नगरपरिषदेच्या नगरसेवकांसह स्थगित ठेवायची, याचे स्पष्ट आदेश या पत्रांमध्ये दिलेले नाहीत. त्यामुळे निवडणूक निर्णय अधिकारीही बुचकळ्यात पडले आहेत.
निवडणूक घ्यायची की नाही, याविषयी तातडीने मार्गदर्शन व्हावे, यासाठी प्रशासनातील वरिष्ठ अधिकारी सातत्याने निवडणूक आयोगाला विचारणा करीत होते. मात्र, आयोगाच्या अधिकाऱ्यांनी या बाबतीत शुक्रवारी रात्री उशिरापर्यंत कोणत्याही प्रकारचे लेखी आदेश दिले नाहीत.
त्यामुळे निवडणूक निर्णय अधिकाऱ्यांसह जिल्हा प्रशासनातील वरिष्ठ अधिकारीही निवडणूक आयोगाच्या निर्णयाकडे लक्ष लावून बसले होते. तर नगराध्यक्ष पदाची निवडणूक आणि नगरसेवकांची निवडणूक एकत्रित घेण्याचे निर्देश असल्याने दोन्ही पदाच्या निवडणुकीची प्रक्रिया एकाचवेळी पार पाडणे अपेक्षित आहे.
त्यामुळे मंगळवेढ्याची संपूर्ण निवडणूक प्रक्रियाच नव्याने होईल, अशी शक्यता वर्तविण्यात आली आहे. त्यामुळे निवडणूक आयोग याबाबतीत काय आदेश देणार, याकडे सर्वांचे लक्ष लागून राहिले आहे.(स्त्रोत: पुण्यनगरी)
निवडणूक आयोगाकडून मार्गदर्शन मागविले आहे : जिल्हाधिकारी
मंगळवेढा नगरपरिषदेच्या निवडणुकीबाबत दोन आदेश आले आहेत. यामध्ये निवडणूक घ्यायची की नाही याबाबत स्पष्ट सूचना नाहीत. त्यामुळे आम्ही निवडणूक आयोगाशी सातत्याने संपर्कात आहोत, आयोगाचे आदेश प्राप्त होताच पुढील माहिती कळवू, असे जिल्हाधिकारी कुमार आशीर्वाद म्हणाले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
