टीम मंगळवेढा टाईम्स।
शेतक-याच्या उसाला घामाचे दाम योग्य मिळावे यासाठी स्थापन झालेल्या ऊस दर संघर्ष समितीचे आंदोलन भरकटल्याचे आज पाहायला मिळाले. सोलापूर जिल्ह्यात सर्वाधिक दर देणाऱ्या कारखान्याच्या ट्रॅक्टरचे टायर फोडल्यानी तसे बोलले जात आहे.
सोलापूर जिल्ह्यातील सर्वाधिक ऊस दर देणाऱ्या श्री सुधाकरपंत पांडुरंग साखर कारखान्याला ऊस वाहतूक करणाऱ्या ट्रॅक्टरची 12 टायर अज्ञात व्यक्तीने धारधार सुरा वापरून फोडली आहेत. वाखरी तालुका पंढरपूर येथील थोरात पेट्रोल पंपाच्या समोर ही घटना घडली आहे.
ऊस दर संघर्ष समितीमध्ये गुन्हेगारी वृत्तीचे काहीजण शिरल्यामुळे शेतकरी संघटनांच्या आंदोलनाला गालबोट लागण्याची शक्यता होती. त्यानुसार धारधार सुरा किंवा शस्त्राने ट्रॅकरची 12 टायर फोडली असून वाहन मालकाचे जवळपास अडीच लाख रुपयांचे नुकसान झाले आहे.
चळे येथून पांडुरंग साखर कारखान्यावर जाणारे वाहन थोरात पेट्रोल पंप वाखरी येथे अडवून शेतकरी आणि वाहन मालकांचे मोठ्याप्रमाणावर नुकसान करण्यात आले आहे.
मुळात पांडुरंग साखर कारखाना हा सोलापूर जिल्ह्यात सर्वाधिक दर देतो, अश्या कारखान्याची वाहतूक अडवण्याचा काय हेतू आहे?
शेतकऱ्यांचे आणि शेतकरी संघटनेचे आंदोलन कोणाला हिंसक करायचे आहे? या आंदोलनातुन गुन्हेगारी वृत्तीचे लोक पुढे येत आहेत का? असे अनेक प्रश्न निर्माण होत आहेत.
येणाऱ्या काळात शेतकरी संघटनांना याची उत्तरे द्यावी लागणार आहेत. नाहीतर त्यांना हिंसक आंदोलनाची जबाबदारी स्वीकारावी लागणार असल्याचे बोलले जात आहे.
ऊस तोड़ चालू करू नये; बोराळे व सिद्धापूर ग्रामपंचायत
सरपंच ग्रामपंचायत सिध्दापूर ता.मंगळवेढा यांचे कडून निवेदन करण्यात येते की, गावातील सर्व शेतकऱ्यांना नम्र अव्हान आम्ही सरपंच , ग्रामपंचायत व सर्व सदस्य यांचेकडून सर्व शेतकरी संघटनेचा सुचनेनुसार नम्र अव्हान करत आहोत की,
सिध्दापूर परिसरातील ऊस संबधित साखर कारखान्याला जाणारा ऊस आपण सदर कारखान्यांनी चालू गळीत हंगामातील ऊस दर जाहीर केल्याशिवाय
व पाठीमागील हंगामाचे काही कारखान्यांनी मागील येणे बाकी प्रमाणे दर ( रेट ) न दिल्यामुळे ऊस तोड़ चालू करू नये व ज्यांनी चालू केली आहे. त्यांनी ऊस तोड थांबवून शेतकरी संघटनेला सहकार्य करावे हि नम्र विनंती असल्याचे पत्र प्रसिद्ध केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज