पोरांनो तयारीला लागा! पोलीस भरतीची तारीख ठरली; या दिवशीपासून करता येईल अर्ज; कुठे किती जागा आहेत?

टीम मंगळवेढा टाईम्स ।

राज्यात पोलीस भरतीची आतुरतेने वाट पाहत असलेल्या तरुणांसाठी एक आनंदाची बातमी आहे. राज्यात पोलीस शिपाई पदाच्या रिक्त जागा लक्षात घेता, पोलीस भरतीच्या तारखा जाहीर करण्यात आल्या आहेत.

महाराष्ट्र पोलिस दलातील विविध जिल्ह्यातील तब्बल १४ हजार ९५६ जागासाठी ही भरती असणार आहे. माहितीनुसार, दोन टप्प्यात या जागा भरल्या जाणार आहे.

३ नोव्हेंबर २०२२ पासून अर्ज सुरू होणार

पहिल्या टप्प्यातील रिक्त जागांसाठी ३ नोव्हेंबर २०२२ पासून अर्ज सुरू होणार असून अर्ज करण्याची अंतिम तारीख ३० नोव्हेंबर २०२२ असणार आहे.

या संदर्भातील अधिकृत वेबसाईट वर GR आणि माहिती अजून यायची आहे. राज्यात विविध जिल्ह्यातील तब्बल १४ हजार ९५६ जागासाठी ही भरती असणार आहे.

सर्वाधिक जागा मुंबई पोलीस दलात भरल्या जाणार आहे. प्राथामिक माहितीनुसार, मुंबईत पोलिसांच्या तब्बल ६ हजार ७४० रिक्त जागा भरल्या जाणार आहे.

मुंबई पाठोपाठ ठाणे, मिराभाईंदर, पुणे व पुणे ग्रामीणसह रेल्वे पोलिस दलातही मोठ्या प्रमाणात जागाही भरल्या जाणार आहे.

गेल्या दोन वर्षापासून देशासह राज्यात कोरोनाच्या संकटामुळे नोकरभरतीची प्रक्रिया थांबली होती. यामुळे अनेक विद्यार्थी पोलीस भरतीची वाट पाहत होते.

कोरोनाचा फटका पोलीस भरती प्रक्रियेला बसल्याने आवश्यकता असताना राज्यात पोलीस कर्मचाऱ्यांची भरती होऊ शकली नाही.

राज्याची लोकसंख्या लक्षात घेता मोठ्या प्रमाणावर पोलीस बळाची गरज आहे. त्यामुळे आता राज्य सरकाराने सुरू केलेल्या हालचालीमुळे पोलीस भरतीचा मार्ग मोकळा झाला आहे.

सातत्याने समोर येणारे भरती प्रक्रियेतील घोटाळे लक्षात घेता आता भरती प्रक्रिया गृहखातं राबवणार असल्याचे कळते.

कुठे किती जागा आहेत?

सोलापूर शहर- 98, सोलापूर ग्रामीण – 26, मुंबई – 6740, ठाणे शहर – 521, पुणे शहर – 720, पिंपरी चिंचवड – 216, मिरा भाईंदर – 986, नागपूर शहर – 308, नवी मुंबई – 204, अमरावती शहर – 20

लोहमार्ग मुंबई – 620, ठाणे ग्रामीण – 68, रायगड -272, पालघर – 211, सिंधूदुर्ग – 99, रत्नागिरी – 131, नाशिक ग्रामीण – 454, अहमदनगर – 129, धुळे – 42, कोल्हापूर – 24, पुणे ग्रामीण – 579, सातारा – 145

औरंगाबाद ग्रामीण- 39, नांदेड – 155, परभणी – 75, हिंगोली – 21, नागपूर ग्रामीण – 132, भंडारा – 61, चंद्रपूर – 194, वर्धा – 90, गडचिरोली – 348
गोंदिया – 172, अमरावती ग्रामीण – 156, अकोला – 327, बुलढाणा – 51
यवतमाळ – 244, लोहमार्ग पुणे – 124, लोहमार्ग औरंगाबाद -154
एकूण – 14956

कोणत्या प्रवर्गाला किती जागा?

अनुसूचित जाती – 1811
अनुसूचित जमाती – 1350
विमुक्त जाती (अ) – 426
भटक्या जमाती (ब) – 374
भटक्या जमाती (क) -473
भटक्या जमाती (ड) – 292
विमुक्त मागास प्रवर्ग – 292
इतर मागास वर्ग – 2926
इडब्लूएस – 1544
खुला – 5468 जागा
एकूण – 14956

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज