टीम मंगळवेढा टाईम्स ।
मंगळवेढा शहरानजीक असलेल्या पुर्नवसन प्लॉटमध्ये चोरटयांनी माजी सैनिकाच्या बंगल्यात (In the ex-soldier’s bungalow) प्रवेश करून पती पत्नीस लाकडी दांडक्याने मारहाण करीत अंगावरील दागिने,
रोख रक्कम असा जवळपास 5 लाख 5 हजार रुपयांचा मुद्देमाल चोरटयांनी चोरून नेला असून या प्रकरणी अज्ञात चोरटयाविरूध्द गुन्हा दाखल केला आहे.
दरम्यान, अतिरिक्त पोलिस अधिक्षक हिम्मतराव जाधव(Additional Superintendent of Police Himmatrao Jadhav) यांनी तात्काळ घटनास्थळास भेट देवून पाहणी केली.
पोलिस सुत्रांनी दिलेली माहिती अशी, यातील फिर्यादी नर्गिस इनामदार(Nargis Inamdar) या इंग्लिश स्कूलमध्ये माध्यमिक शिक्षिका (english school) असून त्यांचे पती चंगेजखान इनामदार हे माजी सैनिक आहेत.
सोलापूर टोळ नाका परिसरात पुर्नवसन प्लॉटमध्ये त्यांचा बंगला आहे. दि.26 रोजी पहाटे 2.15 ते 2.45 दरम्यान अज्ञात चोरटयांनी दरवाजाचा कडी कोयंडा उचकटून बंगल्यात प्रवेश केला.
यावेळी खटखट आवाज आल्याने फिर्यादी झोपेतून जागे झाल्या असता त्यांच्यासमोर अंदाजे 30 ते 35 वयाचे दोन इसम उभे असल्याचे दिसले.त्यांच्या अंगावर काळी पँट, काळे जर्किन होते.
तर एक जण इनशर्ट केलेला होता.
दोघांच्या हातात लाकडी दांडके होते. त्यातील एकाने फिर्यादी तथा शिक्षिकेच्या उजवे पायावर जोराने मारल्याने फिर्यादी किंचाळल्या. या आवाजाने त्यांचे पतीही जागे झाले.
पती जागे झाल्याचे पाहाताच चोरटयांनी त्यांच्या मानेवर दांडक्याने हल्ला करीत पतीला खाली झोपवून त्यांच्या चेहर्यावर ब्लँकेट टाकल्याने जीव गुदमरून ते बेशुध्द पडल्याचे दिलेल्या फिर्यादीत म्हटले आहे.
या दरम्यान पुन्हा फिर्यादीस कमरेवर मारहाण करीत जागेवरून उठू नकोस,असे म्हणत चोरटे सोने व पैशाची शोधाशोध करीत होते.
काही चोरटयांनी हॉलमध्ये जावून कपाटात ठेवलेले मनगटी घडयाळ, सोन्याचा राणीहार, सोन्याचे गंठण, लॉकेट, पिळयाच्या चार अंगठया, एक सोन्याचे गरसळी, कानातील सोन्याच्या रिंगा, कर्णफुर्ले, लहान मुलांच्या मनगटी व बदाम व रोख रक्कम 50 हजार रुपये असा एकूण 5 लाख 5 हजार 400 रुपये किमतीचा एकूण मुद्देमाल चोरटयांनी चोरून नेल्याचे फिर्यादीत नमूद केले आहे.
चोरटयाच्या मारहाणीत जखमी झालेले माजी सैनिक इनामदार यांना उपचारासाठी खाजगी दवाखान्यात सोलापूर येथे दाखल करण्यात आले आहे.
दरम्यान, या चोरीचे वृत्त समजताच अतिरिक्त पोलिस अधिक्षक हिम्मतराव जाधव,डी.वाय.एस.पी.राजश्री पाटील,पोलिस निरिक्षक रणजित माने आदीनी घटनास्थळी भेट देवून या चोरीमागणी कारणमीमांसा जाणून घेतली. याचा अधिक तपास पोलिस करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
