बाबो..! महाराष्ट्राच्या राजकारणात पहिल्यांदाच असं घडलंय; थेट जनतेतून निवडून आलेल्या सरपंचाला जनतेनंच एका झटक्यात घरी बसवले

मंगळवेढा टाईम्स न्युज नेटवर्क ।

महाराष्ट्राच्या राजकारणात पहिल्यांदाच लक्षवेधी घडामोड घडली आहे. थेट जनतेतून निवडून आलेल्या सरपंचाला जनतेनंच एका झटक्यात घरी बसवले आहे.

परभणीच्या सेलू तालुक्यातील कुपटा ग्रामपंचायतीत थेट जनतेतून निवडून आलेल्या सरपंच बाईंना पायउतार व्हावं लागलं.

जनतेची काम होत नसल्याने नाराज झालेल्या ग्रामपंचायत सदस्यांनी सरपंच रुख्मिणीबाई गवळे यांच्या विरोधात अविश्वास ठराव मांडला होता. बोलावण्यात आलेल्या विशेष ग्रामसभेत बहुमताने अविश्वास ठराव मंजूर झालाय.

विशेष ग्रामसभेत झालेल्या मतदानात 403 उपस्थितांपैकी 351 मतदारांनी अविश्वास ठरावाच्या बाजूने हात वर करून मतदान केले. तर 17 नागरिकांनी ठरावाविरोधात मते दिली. 35 जणांनी तटस्थ राहण्याची भूमिका घेतली.

अडीच वर्षापूर्वी जनतेने भरघोस मतांनी सरपंचपदी निवडून दिलेल्या गवळे यांच्याविरोधात 9 सदस्यांनी अविश्वास ठराव दाखल केला होता. त्यावर जिल्हाधिकारी यांच्या आदेशाने विशेष ग्रामसभेचे आयोजन करण्यात आले होते.

ग्रामसभेच्या अध्यक्षस्थानी गटविकास अधिकारी अमितकुमार मुंडे होते. तर सचिवपदी पी.एस. हरीविठ्ठल यांची नियुक्ती करण्यात आली होती. विशेष ग्रामसभेत ग्रामपंचायतीचे कर्मचारी, शिक्षक व पोलीस प्रशासन यांची उपस्थिती होती.

मतदान प्रक्रिया शिरगणती व हातवर करून पार पडली. अविश्वास ठराव बहुमताने मंजूर झाल्यामुळे ग्रामपंचायत अधिनियमानुसार आता पुढील कार्यकाळासाठी उपसरपंच ग्राम पंचायतीचा कार्यभार सांभाळणार आहेत.

पण आपल्या सोबत राजकारण झालं असून गावकऱ्यांना पैसे देऊन माझ्या विरोधात मतदान करायला लावल्याचा आरोप पायउतार झालेल्या सरपंच रुखमीनीबाई गवळे यांनी केला आहे.

महिला आरक्षण असल्याने रुख्मिणीबाई गवळे सरपंच झाल्या होत्या. 25 महिने त्या पदावर ही राहील्यात पण गावातील नऊ पैकी नऊ सदस्य विरोधात गेले. त्यामुळे मतदार ही ग्राम पंचायत सदस्यांच्या बाजूने वळले आणि गवळे यांना पदावरून पायउतार व्हावे लागले. एक वेळ लोकसभेच राजकारण परवडलं पण गावातल राजकारण परवडत नाही याचाच जणू हा प्रत्यय म्हणावा लागेल.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज