टीम मंगळवेढा टाईम्स ।
पवित्र हज यात्रेला जाणाऱ्यांची संख्या दिवसेंदिवस वाढत आहे. केंद्र शासनाने सोमवारी २०२५-२६ या वर्षासाठी हज धोरण निश्चित केले.
त्यामध्ये पूर्वी ७० वर्षे वयाच्या ज्येष्ठ नागरिकांना कोणत्याही ‘लकी ड्रॉ’ला सामोरे न जाता यात्रेला जाता येत होते. या प्रवर्गात आता वयोमर्यादा ६५ वर्षे करण्यात आली.
त्यांच्यासोबत कम्पेनियन म्हणून जाणाऱ्या नातेवाइकांचे वय आता १८ पेक्षा कमी आणि ६० पेक्षा जास्त नसावे, असे म्हटले आहे. त्यामुळे भाविकांमध्ये रोष व्यक्त केला जात आहे.
सौदी अरेबिया सरकारने यंदा भारतातून १ लाख ७५ हजार २५ हज यात्रेकरूंना पाठविण्याची मुभा दिली. हज कमिटीला ७० टक्के, तर खासगी टूर्स अँड ट्रॅव्हल कंपन्यांना ३० टक्के कोटा निश्चित करण्यात आला.
मागील वर्षी हा कोटा हज कमिटीला ८० टक्के, तर खासगी टूर्सला २० टक्के होता. महाराष्ट्रातून यंदा १० हजार भाविक हजला रवाना
होतील. हज यात्रेच्या ऑनलाइन अर्जाची प्रक्रिया लवकरच सुरू होणार असल्याची माहिती फेडरेशन ऑफ हज पिलग्रीम सोशल वर्करचे महासचिव शेख फैसल यांनी दिली.
तीन शहरांतून यात्रेकरू होणार रवाना
१५० हज यात्रेकरूंची सेवा करण्यासाठी शासनाकडून एक खिदमतगार म्हणून शासकीय कर्मचाऱ्याची नेमणूक केली जात होती. आता या खिदमतगारला स्टेट हज कलेक्टर, असे संबोधले जाईल.
महाराष्ट्रातून तीन ठिकाणांहून हज यात्रेकरू रवाना होतील. मुंबई, नागपूर आणि छत्रपती संभाजीनगर या तीन ठिकाणी सोय असेल. संभाजीनगरहून जाणाऱ्यांना एका प्रवाशामागे किमान ८० हजार रुपये अतिरिक्त द्यावे लागतील.
६३ वर्षांची पत्नी असेल तर..
केंद्राने नवीन हज धोरणात ज्येष्ठ नागरिकांना थेट यात्रेला जाण्यासाठी वयोमर्यादा घटविली. सोबतच त्यांच्या नातेवाइकाचे वयही घटविले. यात्रेकरूची बायको ६३ वर्षांची असेल, तर तिला सोबत नेता येणार नाही.
मुलगा, सुनेला नेता येईल. १८ ते ६० या प्रवर्गात बायको न बसल्यास पंचाईत होईल, असे अनेक भाविकांचे म्हणणे असल्याचे फैसल शेख यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
