टीम मंगळवेढा टाईम्स।
मंगळवेढा नगर परिषद निवडणूक मध्ये नगराध्यक्ष पदाच्या 3 उमेदवारांनी मा. जिल्हा न्यायालयात अपील दाखल केले होते. या अपिलांचा आदेश दिनांक 27 नोव्हेंबर रोजी प्राप्त झाला.
नमुना 7 प्रसिद्ध करण्याचा दिनांक 26 होता, परंतु न्यायालयाचे आदेश दिनांक 27 रोजी आल्याने नगराध्यक्ष पदासाठीचा नमुना 7 प्रसिद्ध करता आला नव्हता. याबाबत निवडणूक निर्णय अधिकारी यांनी निवडणूक आयोगाकडे मार्गदर्शन मागवले होते.
आयोगाने काल काढलेल्या आदेशात म्हंटले आहे की, ज्या ठिकाणी दिनांक 23 नंतर न्यायालयाचे आदेश प्राप्त झाले त्यांना माघार घेण्यासाठी संधी देणे आवश्यक आहे.
त्यानुसार नव्याने जाहीर झालेल्या कार्यक्रमात फक्त अपिलात गेलेल्या उमेदवारांना अर्ज मागे घेण्यासाठी नव्याने दिनांक 10 तारखेपर्यंत संधी देण्यात आली आहे. जे उमेदवार अपिलात नव्हते त्यांना आपला अर्ज या तारखेपर्यंत माघार घेता येणार नाही.
तसेच आवश्यकतेनुसार चिन्ह वाटप दिनांक 11 डिसेंबर रोजी होणार आहे. म्हणजेच नमुना 7 दिनांक 11 रोजी प्रसिद्ध केला जाणार आहे. (जर एखाद्या उमेदवाराने माघार घेतली आणि त्यामुळे सदस्यांच्या चिन्ह वाटपात फरक पडत असेल तर आवश्यकते नुसार चिन्ह वाटप)
सुधारित निवडणूक कार्यक्रम नुसार पुन्हा नव्याने नामनिर्देशन पत्र भरता येणार नाहीत.
तसेच जे उमेदवार अपिलात गेलेले नव्हते त्यांना सुद्धा नवीन कार्यक्रमानुसार माघार घेता येणार नाही. ही बाब सर्वांनी समजून घेणे आवश्यक आहे.
आता ज्या टप्प्याला निवडणूक प्रक्रिया थांबली होती, तिथून पुढचा टप्पा आता नव्याने होणार आहे. असा कालच्या आदेशाचा अर्थ आहे.
नगराध्यक्ष पदाचे अपील असल्यास नियमानुसार नगराध्यक्ष निवडणूक वगळून सदस्य पदासाठी निवडणूक घेता येत नाही, म्हणून मंगळवेढा येथे नगराध्यक्ष व सदस्य पदाची निवडणूक एकत्रितपणे दिनांक 20 डिसेंबर रोजी होणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
