मंगळवेढा टाईम्स ऑनलाईन:
गुप्तधनामधून सापडलेले सोने स्वस्तात देण्याचा बहाणा करीत १० ते ११ जणांनी मिळून संगनमताने कट रचला. शिवीगाळ,दमदाटी करीत सहा जणांना जीवे मारण्याचा प्रयल केला व त्यांच्याकडील सुमारे ८ लाख ५० हजार रुपये हिसकावून फसवणूक केली.
ही घटना घेरडी-मंगळवेढा रोडवरील श्याम पेट्रोल पंपाच्या जवळ घडली. सागर अप्पासो देशमुख (रा .मोहिते मळा , जुनोनी , ता . सांगोला ) दादासो पाटील , विक्रांत गोयकर , सुरेश हनुमाने , माणिक कोठावळे, सुनील कोळकर अशी जखमींची नावे आहेत.
अजित शिंदे ,जितू शिंदे ,नितीन शिंदे ,चरब भडजी शिंदे (सर्व रा .आलेगाव,ता.सांगोला), सचिन राजू पवार,महावीर भगवान साळुखे,सचिन भगवान साळुखे व एका अनोळखी महिलेसह तीन अनोळखी पुरुष अशी गुन्हा दाखल झालेल्या चोरट्यांची नावे आहेत.याबाबत जुनोनी (ता सांगोला ) येथील सागर आप्पासाहेब देशमुख व त्यांचे मित्र दादासो पाटील , विक्रांत गोयकर , सुरेश व्हनमाने, माणिक कोठावळे , सुनील कोळप यांना आलेगाव ( ता . सांगोला ) येथील अजित शिंदे, जितू शिंदे , नितीन शिंदे व एका महिलांसह सात जणांनी मिळून कट रचला.
गुप्तधनामधून सापडलेले सोने स्वस्तात देण्याचा बहाणा करून वरील सहा जणांना पैसे घेऊन घेरडी – मंगळवेढा रोडवरील पेट्रोल पंपाच्या पाठीमागील पिकात बोलावून घेतले.चोरट्यांनी त्या सहा जणांना त्याठिकाणी मारहाण केली. सोने न देता सुमारे ८ लाख ५० हजार रुपये हिसकावून घेतले.सर्वजण तेथून पळून जाताना एकाला जागेवर पकडले. याबाबत सागर आप्पासाहेब देशमुख रा .जुनोनी ( मोहितेमळा ) यांनी फिर्याद दाखल केली आहे. तपास पोलीस उपनिरीक्षक प्रशांत वसगडे करीत आहेत.
जगभरातील लाखो वाचक असलेले सोलापूर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.mangalwedhatimes.in
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
