टीम मंगळवेढा टाईम्स ।
कोरोनाच्या दुसऱ्या लाटेच्या तडाख्यात सापडलेल्या रूग्णांच्या मदतीसाठी मंगळवेढा तालुक्यातील सर्व शिक्षक संघटनांनी पुढाकार घेतला आहे. वैद्यकीय सुविधेसाठी दोन दिवसात साडेतीन लाख रुपये मदतनिधीचे संकलन केले आहे.
पंढरपूर-मंगळवेढा विधानसभा मतदारसंघाची पोटनिवडणूक नुकतीच झाली. या रणधुमाळीत अनेक राजकीय कार्यकर्ते कोरोनाबाधित ठरले. तर निवडणूक ड्युटी बजाविणारे प्राथमिक शिक्षक देखील कोरोनाच्या तडाख्यात सापडले.
या गंभीर परिस्थितीत अखेर तालुका प्राथमिक शिक्षक संघटना कोरोनाविरूध्दच्या लढ्यात सरसावली आहे. संघटनेच्या समन्वय समितीची बैठक झाली.
सुरेश पवार,संजय चेळेकर , संभाजी तानगावडे, श्रीमंत पाटील , विठ्ठल ताटे , सिध्देश्वर सावंत, भाऊसाहेब माने , संजय बिदरकर , दत्तात्रय येडवे , शाम सरगर , आप्पाराया न्यामगोंडे , रविंद्र लोकरे , उमेश कांबळे , राजेंद्र कांबळे , जमीर शेख , भारत शिंदे , मारुती दवले , अनिता भिंगे , ज्योती कलुबर्मे , मंगल बनसोडे आदींचा यामध्ये सहभाग होता.
मंगळवेढा तालुक्यातील कोरोनाबाधित रुग्ण व नातेवाईक उपचाराअभावी हतबल झाल्याने तालुक्यातील सर्व प्राथमिक शिक्षकांनी त्यांच्या मदतीसाठी पुढाकार घेतला. स्वेच्छेने मदतनिधी संकलन कार्य सुरू झाले.
शिक्षकांमधून त्यास प्रतिसाद मिळत आहे. आजअखेर साडेतीन लाख रुपये रक्कम जमा झाली आहे. दोन दिवस उर्वरित शिक्षकांकडून दीड लाख मदत निधी संकलित होणार असल्याचे संघटनेच्या पदाधिकाऱ्यांनी सांगितले.
ऑक्सिजन मशीन देणार भेट
ऑक्सिजनअभावी होणाऱ्या मृत्यूचे प्रमाण कमी व्हावे म्हणून 66 ऑक्सिजन कॉन्सट्रेटर मशीन व इतर आवश्यक मेडिकल साहित्य मंगळवेढा तालुक्यातील कोविड सेंटरला भेट देण्यात येणार आहे : संजय चेळेकर, राज्य उपाध्यक्ष प्राथमिक शिक्षक संघ.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
