टीम मंगळवेढा टाईम्स । मंगळवेढा तालुक्यातील पश्चिम टोकावर असलेल्या लक्ष्मीदहिवडी गावांमध्ये एकत्रित बसून जुगार खेळणाऱ्या १७ जणांना कोरोणाची लागण झाली असून त्यांच्या कुटुंबासह २१ जणांचे रिपोर्ट पिझिटिव्ह आल्यामुळे एकच खळबळ उडाली आहे.
गावात एकूण रुग्ण २६ झाले आहेत अशा परिस्थितीमध्ये शाळेत विलगीकरण केलेल्या त्या जुगाऱ्यानी मंगळवेढ्याच्या कोव्हिड सेंटर मध्ये जाण्यास नकार देत प्रशासनाशी हुज्जत घालून आमच्या संपर्कात आलेल्या कुटुंबातील सदस्यांच्या टेस्ट करायचा नाहीत असा हट्ट धरत ‘हाय रिस्क,लो रिस्क’संपर्कातील लोकांची नावे देण्यास नकार दिला, आमचेच रिपोर्ट प्रशासनाने खोटे दिले असल्याचा आरोप प्रशासनावर केला.
काल गुरुवारी दिवसभर ग्रामस्तरीय समितीसोबत त्या रुग्णांनी हुज्जत घालत आरोग्य विभागाला दिवसभर गावात ताटकळत ठेवले त्यामुळे सकाळपासून ग्रामस्थरीय समितीने पोलीस ठाण्याशी संपर्क साधून पोलीस कर्मचाऱ्यांना बोलावणे केले होते मात्र कोणीही पोलीस अधिकारी व कर्मचारी लक्ष्मीदहिवडीला फिरकला नसल्याने त्या जुगाऱ्याना पोलीस प्रशासन पाठीशी घालत होते की काय? हा प्रश्न सामान्य नागरिक उपस्थित करत होते.
सुमारे साडेआठ हजार लोकसंख्या असलेले हे गाव असून यामध्ये जुगार,दारू विक्री असे अवैध धंदे मोठ्या प्रमाणात चालत आहेत. लॉकडाऊन व कोरोनाच्या काळात या अवैध धंद्यावर पोलिसांनी निर्बंध आणले नाहीत गावात अनेक ठिकाणी पत्याचे क्लब सुरू असून शेजारील महमदाबाद येथील काही नागरिक ही या ठिकाणी पत्ते खेळण्यास येत असून त्या गावातीलही एकजण पॉझिटिव्ह आला आहे.
या पत्ते खेळणाऱ्या ग्रुपमधील एकाची टेस्ट पॉझिटीव्ह आल्यानंतर ग्रामस्तरीय समितीने सर्वांचे गावातील शाळेत विलगीकरण करण्यात आले होते.त्यामुळे त्यांचीही घेऊन टेस्ट करण्यात आले असता त्या सर्वांची टेस्ट पॉझिटिव्ह आली आहे.
त्यामुळे त्यांच्या संपर्कातील लोकांनाही कोरोणाची लागण होऊ शकते यासाठी प्रशासनाने त्यांच्या कुटुंबातील सदस्यांची टेस्ट करण्यासाठी गावात येऊन स्वब घेण्याचे नियोजन केले मात्र त्यांनी कुटुंबातील सदस्यांच्या टेस्ट करण्यास स्पष्ट नकार दिला.
त्यामुळे लक्ष्मी दहिवडी मध्ये भीतीचे वातावरण निर्माण झाले असून संबंधित रुग्णांच्या कुटुंबांच्या कोरणा टेस्ट घेण्यास आरोग्य प्रशासनही हतबल झाले असून पोलिसांनी काहीच सहकार्याची भूमिका घेतली नसल्याने पोलिस प्रशासनावर ग्रामस्थ नाराजी व्यक्त करीत आहेत.
या अगोदर गावात सहा रुग्ण सापडले असल्यामुळे गाव कंटेंटमेंट झोन म्हणून जाहीर केले होते अशा परिस्थिती रेशन दुकानदारांनीही दुकान उघडत गावात धान्य वाटप केले असून त्यामध्ये एक दुकानदारही पॉझिटिव आला आहे त्या दुकानदाराने सुमारे दीडशे लोकांना रेशनचे धान्य वाटप केल्याची चर्चा असून गावात टेस्ट साठी स्वबच घेऊ दिले नसल्याने व पोलिसांनी सहकार्य न केल्याने हे पॉझिटिव्ह रुग्ण किती कुटुंबांचे बळी घेणार हे येणार काळच ठरविणार आहे.
Solapur mangalwedha Lakshmidahivadi 21 positive including 17 gamblers
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
