टीम मंगळवेढा टाईम्स :
कवठेमहांकाळ-तासगाव मतदार संघाचे धडाडीचे आमदार रोहित आर.आर. पाटील यांच्या जन्मदिनाचे औचित्य साधून मंगळवेढा शहरात व परिसरात विविध सामाजिक उपक्रमांचे आयोजन करण्यात आले होते.
युवक नेते राहुल (मालक) ताड यांच्या संकल्पनेतून आणि खिलाडी ४०९० परिवार व बाल सहयोग तरुण मंडळ, मंगळवेढा यांच्या संयुक्त विद्यमाने हे कौतुकास्पद उपक्रम राबवण्यात आले.
मतिमंद मुलांना दिला उपाहार
आमदार रोहित पाटील यांच्या वाढदिवसाचे औचित्य साधून व्हीआयपी संस्कृतीला फाटा देत, लवंगी येथील ‘मुक्ताई मतिमंद मुलांची शाळा’ येथे येथील विद्यार्थ्यांना उपाहार (खाऊ) देण्यात आला.
समाजातील या विशेष घटकासोबत आनंद साजरा करून कार्यकर्त्यांनी संवेदनशीलतेचे दर्शन घडवले.
नगरपालिका शाळांमधील विद्यार्थ्यांना शैक्षणिक मदत
शैक्षणिक कार्यात हातभार लावण्याच्या उद्देशाने मंगळवेढा शहरातील नगरपालिका शाळा क्रमांक १, २, ३, ४, ५ आणि ६ मधील गरजू विद्यार्थ्यांना वह्यांचे मोफत वाटप करण्यात आले. राहुल ताड यांच्या या उपक्रमामुळे शालेय विद्यार्थ्यांच्या चेहऱ्यावर मोठा आनंद पाहायला मिळाला.
पदाधिकाऱ्यांची मोठी उपस्थिती
या सर्व सामाजिक उपक्रमांच्या वेळी खिलाडी ४०९० परिवार आणि बाल सहयोग तरुण मंडळाचे पदाधिकारी मोठ्या संख्येने उपस्थित होते.
सचिन यादव, राजू आकळे, लखन गुंगे, प्रशांत शिंदे, बबलू भोसले, शक्ती ताड, विशाल देवकर, सागर टाकने यांच्यासह बाल सहयोग ग्रुप आणि खिलाडी ग्रुपचे सर्व प्रमुख कार्यकर्ते व सदस्य मोठ्या संख्येने उपस्थित होते.
आमदार रोहित आर.आर. पाटील यांच्या वाढदिवसानिमित्त राबवण्यात आलेल्या या समाजोपयोगी उपक्रमांचे मंगळवेढा शहरातून आणि लवंगी परिसरातून मोठे कौतुक होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
