टीम मंगळवेढा टाईम्स ।
मंगळवेढा तालुक्यातील बावची येथील सुपुत्र व सध्या बिहार राज्यात जिल्हाधिकारी म्हणून रुजू असलेले श्रीकांत खांडेकर यांचा विवाह माजी मंत्री राम शिंदे यांच्या मुलीशी जमला आहे
राम शिंदे यांची ज्येष्ठ कन्या डॉ.अक्षता व श्रीकांत यांचा नुकताच चौंडीत येथे ‘साखरपुडा’ झाला आहे.खांडेकर कुटुंब त्यांचे व्याही झालेय. माजी मंत्री राम शिंदे आणि आशाताई शिंदे यांच्या कुटुंबातील हे पहिलेच कार्य. त्यामुळे या दिमाखदार सोहळ्याला अनेकांनी हजेरी लावली. माजी मंत्री राम शिंदे आणि त्यांची पत्नी आशाताई हे मधली काही वर्षे सोडली तर ते कायम चौंडीत वास्तव्यास होते.
आपसूकच त्यांच्या दोन्ही मुलींनी चौंडीच्या जिल्हा परिषद शाळेतूनच आपल्या शिक्षणाचा ‘श्री गणेशा’ केला. पुढे माध्यमिक शिक्षण जामखेडला तर उच्च शिक्षण विद्येचे माहेरघर असलेल्या पुण्यात केले.
राम शिंदे राजकारणात सक्रीय होते. त्यामुळे मुलांच्या अभ्यासाकडे त्यांना फार लक्ष देता यायचे नाही. पत्नी आशाताई यांनीच मुलांच्या शिक्षणाकडे बारकाईने लक्ष दिले.
आशाताईंनी पतीवर मंत्रिपदाची जबाबदारी आल्यावर पुणं सोडलं नाही. त्याच कारणच मुळी मुलींचे शिक्षण होतं. त्यामुळेच थोरली मुलगी अक्षता एम.बी.एस. झाली.
तर दुसरी अन्विता एम.बी.बी.एस.च्या शेवटच्या वर्षाला आहे. आमदारकीचा मान मिळाल्यानंतर त्यांना अजिंक्य नावाचे पूत्ररत्न झाले. त्याच्या शिक्षणाचा ‘श्री गणेशा’ मात्र विद्येच्या माहेरघरी झाला. तो आता पाचवी इयत्तेत शिक्षण घेतो आहे.
अहिल्याबाई होळकर यांच्या माहेरकडील घराण्यातील राम शिंदे हे वारसदार आहेत. परंतु माजी मंत्री राम शिंदे यांच्या वडिलांनी दुसऱ्याच्या शेतात सालगडी म्हणून काम केलं होतं. त्यामुळे अर्थातच शिंदे हे संघर्षातूनच राजकारणात पुढे आले.
गावच्या राजकारणापासून त्यांची सुरूवात झाली. सरपंचापासून कॅबिनेट मंत्री आणि आता भाजपचे प्रदेश उपाध्यक्ष असा त्यांचा राज्याच्या राजकारणातील प्रवास राहिला आहे. वडील मंत्री होते तरीही दोन्ही मुलींना मात्र तो बडेजाव मिरवला नाही. दोन्ही मुली शांत आणि अभ्यासू असल्यामुळेच एम.बी.बी.एस. झाल्या!
श्रीकांत खांडेकर…..
जिद्द आणि चिकाटीच्या जोरावर गरिबीशी झगडत श्रीकांत खांडेकर यांनी बीटेकचे शिक्षण दापोली येथून पूर्ण केले. केंद्रीय लोकसेवा आयोगाच्या माध्यमातून आय.ए.एस.होण्याच स्वप्न उराशी बाळगलं.
त्यांना या वर्षीच्या केंद्रीय लोकसेवा आयोगाच्या परीक्षेत यश मिळाले. ते आय.ए.एस. होत जिल्हाधिकारी झाले.
त्यांच्या या प्रेरणादायी यशाचे कौतुक ग्रामस्थांनी नागरी सत्काराने करण्याचे ठरविले. हा सत्कार माजी मंत्री राम शिंदे यांच्या हस्ते करण्याचा ठरले.
माजी मंत्री शिदेंनाही श्रीकांत यांनी गरिबीतून मिळविलेल्या यशाचे मोठे अप्रूप वाटले. त्यांनी या कार्यक्रमाला आवर्जून येणाचे कबूल केले. जिल्हाधिकारी श्रीकांत यांच्या घरी राम शिंदे गेले.
श्रीकांत यांना अवघी नऊ एकर शेतजमीन आहे. त्यात तीन भावंडे.त्यांच्या आई-वडीलांनी कष्टाने मुलांना शिकवलं. मोठा मुलगा संतोष हा विवाहित असून एका पाईपच्या कंपनीत मार्केटिंग मॅनेजर आहे. धाकट्या महेशची बी.एस्सी. झालीय.
श्रीकांत बी.टेक करून केंद्रीय लोकसेवा आयोगाच्या परीक्षेतून आय.ए.एस. झाले. त्या नागरी सत्कारातच माजी मंत्री राम शिंदे आणि खांडेकर कुटुंबाची ओळख झाली. या कार्यक्रमातूनच सोयरीकीच्या नात्याची ‘वीण’ घट्ट होत गेली.
शिंदे-खांडेकर व्याही झाले. डॉ. अक्षता आणि जिल्हाधिकारी श्रीकांत यांचा साखरपुडा झाला. व्हॅलेंटाइन डेच्या दिवशी हे नाते गुंफले गेले. श्रीकांत हे सध्या म्हसुरी येथे प्रशिक्षण घेत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
