टीम मंगळवेढा टाईम्स।
मंगळवेढा येथील श्री.विद्या विकास मंडळ संचलित, श्री संत दामाजी महाविद्यालयाचे दिनांक ७ व ८ जून २०२२ रोजी बेंगलोर येथील
राष्ट्रीय मूल्यांकन आणि श्रेयांकन परिषद (NAAC) कमिटीकडून मूल्यांकन करण्यात आले होते. सन १९७८ साली स्थापन झालेल्या व अर्धशतकाकडे वाटचाल करत असलेल्या,
श्री संत दामाजी महाविद्यालयास नॅक पिअर टिमकडून थर्ड सायकल मध्ये २.९५ गुणांसह B++ हे मानांकन मिळाल्याची माहिती महाविद्यालयाचे प्राचार्य प्रोफे. डॉ.एन.बी. पवार यांनी दिली.
यावेळी माध्यमांशी बोलताना ते म्हणाले की, पुण्यश्लोक अहिल्यादेवी होळकर सोलापूर विद्यापीठ सोलापूरच्या कार्यक्षेत्रातील ग्रामीण भागातील अशी (ग्रेड) मानांकन मिळवणारे दामाजी महाविद्यालय हे एकमेव आहे.
महाविद्यालयास मिळालेल्या यशामध्ये संस्था, वरिष्ठ व कनिष्ठ विभागातील प्राध्यापक, कार्यालयीन कर्मचारी, शिक्षकेत्तर कर्मचारी,पालक, आजी-माजी विद्यार्थी या सर्वांचे मोलाचे योगदान आहे.
स्वर्गीय रतनचंद शहा यांच्या ध्येय धोरणानुसार मार्गक्रमण करत असताना ही कामगिरी म्हणजे कॉलेजच्या इतिहासामध्ये सुवर्ण अक्षरांनी लिहली जावी अशी आहे असेही ते म्हणाले.
दामाजी महाविद्यालयाने गुणवत्तापूर्ण शिक्षणाबरोबरच कायमस्वरूपी आपली समाजाशी नाळ कायम स्वरूपी जुळवून ठेवली असल्यानेच सदरचे यश मिळाले असल्याचे त्यांनी सांगितले.
विद्यार्थी हा केंद्रबिंदू आहे त्यांचा सर्वांगिण विकास करण्यासाठी संस्था सर्वोतोपरी प्रयत्न करीत आहे संशोधनावर भर देऊन जास्तीत जास्त विद्यार्थ्यांना सर्व भौतिक सुविधा देण्यासाठी आम्ही सज्ज आहोत.
तसेच बी ए आणि बी कॉम बरोबरच बी एस्सी सुरू झाल्याने मूल्यांकनात उत्तम अशी भरारी घेऊ शकलो असेही त्यांनी सांगितले.
जेव्हा सन २००४ मध्ये महाविद्यालयाचे पहिल्यांदा नॅक मूल्यांकन झाले तेव्हा महाविद्यालयास C++ अशी ग्रेड मिळाली होती त्यानंतर दुसऱ्या वेळी सन २०१६-१७ मध्ये महाविद्यालयास B ग्रेड मानांकन प्राप्त झालेले होते.
तर थर्ड सायकलमध्ये मात्र सुरवातीच्या काळातील उणीवा दुर करून सध्या B++ (ग्रेड) मिळवून दामाजी महाविद्यालयाने सोलापूर जिल्हयात वेगळा ठसा उमटवून नावलौकिक प्राप्त केला आहे.
पण पुढील काळात दामाजी महाविद्यालयास A++ हे मानांकन प्राप्त करू असे आश्वासन देखील डॉ पवार यांनी दिले.
महाविद्यालयाच्या या कामगिरीबद्दल श्री विद्या विकास मंडळाच्यावतीने प्राचार्य,नॅक समन्वयक,सेव्हन क्रॅटरीया मधील सर्व सदस्य,
उपप्राचार्य,पर्यवेक्षक यांचेसह सर्व प्राध्यापक,कार्यालयीन- शिक्षकेतर कर्मचारी यांचे संस्थेचे मार्गदर्शक राहुल शहा,उपाध्यक्ष बाबासाहेब पाटील,किसनराव गवळी,
ॲड रमेश जोशी,डॉ मोहन कुलकर्णी, यादव आवळेकर, डॉ अशोक सुरवसे, संस्थेच्या सर्व सभासदांनी सर्वांचे अभिनंदन केले नॅक समन्वयक म्हणून प्रा.डॉ परमेश्वर होनराव यांनी काम पाहिले यावेळी सर्व विद्यार्थ्यांना पेढे वाटप करून आनंद साजरा करण्यात आला.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
