टीम मंगळवेढा टाईम्स ।
शैक्षणिक वर्षाच्या पहिल्या दिवशी दाखल विद्यार्थ्यांचे समारंभपूर्वक स्वागत करणे अपेक्षित असताना मंगळवेढा शहरातील नगरपालिकेच्या शाळा ४ मध्ये मात्र
वर्ग वाटप करण्याच्या कारणावरून मुख्याध्यापक व एक शिक्षक यांच्यात चक्क पालकांसमोरच एकमेकांना शिवीगाळी व एकमेकांच्या अंगावर धावून जाण्याचा प्रकार घडल्याचे समोर येत आहे.
येथील न.पा.शाळा ४ मधील नगरपालिका शाळेत वर्ग वाटप करण्याच्या कारणावरून मुख्याध्यापक व शिक्षक यांच्यात जोरदार झटापट झाली.
मुख्याध्यापकांनी दिलेला वर्ग तो संबंधित शिक्षक घेण्यास तयार नव्हता तर मुख्याध्यापक आपल्या निर्णयावर ठाम होते. त्यामुळे दोघेही जण आपल्या निर्णयावर ठाम असल्याने येथील मुख्याध्यापकांच्या कार्यालयात त्या दोन शिक्षकांनी एकमेकाशी हुज्जत घालत घालण्यास सुरुवात केली.
हा वाद इतका विकोपाला गेला की एकमेकांना शिवीगाळ देऊन एकमेकांची उनीदुनी काढली काढली.
दरम्यान येथे आलेल्या एका सामाजिक कार्यकर्त्याने नगरपालिका मुख्याधिकारी यांच्याकडे तक्रार करणार असल्याचे सांगितले.
यावेळी पालक म्हणून प्रहार संघटनेचे तालुकाध्यक्ष समाधान हेंबाडे मुलीला शाळेत सोडण्यासाठी आनंदाने मोठ्या उत्साहात गेले असताना मुख्याध्यापक कार्यालयात दोन शिक्षकांची जुगलबंदी दिसली एकमेकांच्या अंगावर धावून जाण्याची परिस्थिती होती.
उपस्थित पालक अवाक होऊन हा प्रकार पहात होते. शिक्षक , शिक्षिका नेमलेल्या वर्गात उपस्थित होते.
याबाबत प्रहार संघटनेचे तालुकाध्यक्ष समाधान हेंबाडे यांनी नगर परिषदेचे मुख्याधिकाऱ्यांना निवेदन देऊन या प्रकरणाची चौकशी करून संबंधित दोषीवर कारवाईची मागणी केली.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज