टीम मंगळवेढा टाईम्स ।
महाराष्ट्र राज्याचे लाडके नेते जाणता राजा खा. शरदचंद्रजी पवार याच्या 80 व्या वाढदिवसाच्या निमित्ताने मंगळवेढा राष्ट्रवादी काँग्रेसचे वतीने आज श्रीराम मंगल कार्यालय मंगळवेढा येथे खा.शरदचंद्रजी पवार साहेब यांच्या जीवनावर आधारित जिवनपट चित्रपट चे चित्रीकरण सकाळी 9 वा. प्रस्तुत करण्यात येणार असल्याची माहिती मंगळवेढा शहर राष्ट्रवादी काँग्रेसचे शहर अध्यक्ष मुजम्मील काझी यांनी दिली.
या कार्यक्रमाचे उदघाटन राष्ट्रवादी काँग्रेस पक्षाचे महाराष्ट्र राज्य सामाजिक न्याय विभागाचे श्री. विजयकुमार खवतोडे यांचे शुभहस्ते व जेष्ठ नेते मारूती वाकडे यांचे अध्यक्षतेखाली होणार आहे.
यानंतर सध्या संपूर्ण जग कोरोनो सारख्या आजाराने खचून गेला असून सगळीकडे रक्ताची कमतरता भासू लागली असल्याने वाढदिवसाचे अवचित साधून सकाळी 9.30 वा. भव्य रक्तदान शिबिराचे आयोजन करण्यात आले असून या रक्तदान शिबिराचे उदघाटन श्री. भगीरथदादा भालके संचालक विठ्ठल सह साखर कारखाना पंढरपूर यांचे शुभहस्ते व श्री. रामभाऊ वाकडे मराठा महासंघाचे संस्थापक अध्यक्ष यांचे अध्यक्षतेखाली होणार आहे.
या कार्यक्रम सोहळयास महाराष्ट्र राज्य ओबीसी सेल अध्यक्ष लतीफभाई तांबोळी, राष्ट्रवादी काँग्रेस महिला जिल्हा अध्यक्ष अनिता नागणे व सोलापूर जिल्हा सरचिटणीस भारत बेदरे यांची प्रमुख उपस्थिती राहणार आहे.
मंगळवेढा तालुक्यातील व शहरातील सर्व पदाधिकारी रक्तदात्यांनी व कार्यकर्त्यांनी श्रीराम मंगल कार्यालय मंगळवेढा येथे सकाळी 8.30 वा हजर राहावे असे आव्हान मंगळवेढा शहर राष्ट्रवादी काँग्रेसचे वतीने मुजम्मील काझी राष्ट्रवादी काँग्रेस शहर अध्यक्ष मंगळवेढा शहर यांनी केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
