मंगळवेढा टाईम्स वृत्तसेवा । माढा तालुक्यातील आठवीत शिक्षण घेत असलेल्या अल्पवयीन मुलीवर तुझी आई आजारी आहे, तुला बोलाविले आहे, असे खोटे सांगून दोन मित्रांच्या मदतीने स्विफ्ट कारमधून घरी नेऊन जबरदस्तीने लैंगिक अत्याचार केल्याची घटना 16 मार्च रोजी दुपारी घडली. मात्र, भीतीपोटी मुलीने न सांगितल्याने अखेर बारा दिवसांनी टेंभुर्णी पोलिस ठाण्यात गुन्हा दाखल झाला आहे.
याबाबत अधिक माहिती अशी की, माढा तालुक्यातील अल्पवयीन मुलगी (वय 14) ही आठवीत शिक्षण घेत आहे. ती व तिचा लहान भाऊ हे दोघे सायकलवरून दररोज ये-जा करीत असतात. 16 मार्च रोजी 9.30 वा. बहीण-भाऊ दोघे नेहमीप्रमाणे सकाळी शाळेत गेले होते.
तर आई-वडील मोलमजुरीसाठी शेतात गेले होते. त्यानंतर सदर मुलगी ही मैत्रिणीबरोबर शाळेसमोरील दुकानात गेली असता तेथे आरोपी संदीप हनुमंत चव्हाण हा आपली स्विफ्ट कार घेऊन भाऊ अनिल पवार, पोपट रमेश पवार या दोन मित्रांसह अगोदरपासून थांबला होता. त्याने संबंधित अल्पवयीन मुलीस तुझी आई खूप आजारी आहे.तुला बोलाविले आहे, असे खोटे सांगून दोघींना कारमध्ये बसवून गावात नेले. यावेळी त्यांच्या घरी कोणीही नव्हते. यावेळी 1.30 वा. सुमारास त्याने माझे तुझ्यावर प्रेम आहे, असे नाटक करून व दमदाटी करीत जबरदस्तीने लैंगिक अत्याचार केला.
तसेच ही घटना कोणास सांगितली असता तुला व तुझ्या घरातील कुणालाही जिवंत सोडणार नाही, अशी धमकी दिली. तसेच मुलीस पुन्हा शाळेत नेऊन सोडले. यानंतर घरी गेल्यानंतर रडतरडत मुलीने घडला प्रकार आईस सांगितला. मात्र, जीवे मारण्याची धमकी दिल्याने भीतीपोटी सर्वजण गप्प राहिले. परत त्यांच्या माजी सैनिक असलेल्या दीरास ही घटना सांगितली. त्यांनी मी येतो, आल्यानंतर बघू असे सांगितले. मात्र, त्यानंतर बंद काळात येता आले नाही. यामुळे त्यांनी ही घटना मावस दिरास सांगितली. यामुळे तब्बल 12 दिवसांनी तीन जणांवर गुन्हा दाखल झाला आहे.
या घटनेत तिन्ही आरोपींना पोलिसांनी अटक केली असून त्यांना माढा सत्र न्यायालयाने 2 एप्रिलपर्यंत पोलिस कोठडी सुनावली आहे. या घटनेचा अधिक तपास पोनि राजकुमार केंद्रे यांच्या मार्गदर्शनाखाली टेंभुर्णी पोलिस ठाण्याचे सपोनि राजेंद्र मगदूम करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज