मंगळवेढा टाईम्स ऑनलाईन । मंगळवेढा शहरातील संस्थात्मक विलीनीकरण केंद्रांमध्ये ठेवलेल्या आठ जणांच्या स्वबचे नमुने मंगळवारी घेण्यात आले.ते तपासणीसाठी सोलापूरच्या प्रयोगशाळेत पाठवले आहेत . दोन दिवसांत त्यांचा चाचणी अहवाल मिळणे अपेक्षित आहे.त्यांची प्रकृती स्थिर असल्याची माहिती प्रांताधिकारी उदयसिंह भोसले यांनी दिली.
पुण्याहून शहरात आलेल्या एका महिलेला ताप , खोकल्याची लक्षणे आढळली.त्यामुळे तिच्या घरातील सहा जण व एक वाहनचालक अशा सात जणांना संस्थात्मक विलीनीकरण कक्षात ठेवले होते.त्यांच्या संपर्कातील २० जणांना घरात राहण्याची नोटीस बजावली होती.
पुण्याहून मंगळवेढयात दि.८ मे रोजी एक २४ वर्षीय महिला परवाना घेवून आली होती. ती स्वतः मंगळवेढा ग्रामीण रुग्णालयात हजर होवून तीने तपासणी करून घेवून होम क्वारंटाईन करण्यात आले.दि.१६ रोजी सदर महिलेला ताप व डोकेदुखीचा त्रास होत असल्याने तीला प्रशासनाने इन्स्टिटयूशनल क्वारंटाईनमध्ये ठेवले होते.काही लक्षणे आढळल्याने आरोग्य विभागाने स्वब घेण्याचे निश्चित केले होते. त्याप्रमाणे मंगळवारी दि.१९ मे रोजी रुक्मिणीमाता महिलांच्या वसतीगृहात कॅबिनेट तयार करण्यात आले.
सायंकाळी ४ वा.त्या महिलेसह तिच्या संपर्कात आलेल्या ८ व्यक्तींचे कोरोना चाचणीसाठी नमुने (स्वब) आरोग्य विभागाच्या अधिकाऱ्यांनी घेतले.हे स्वब संध्याकाळी सोलापूरच्या प्रयोगशाळेकडे पाठविले असून येत्या दोन दिवसात त्याचा चाचणी अहवाल मिळणे अपेक्षित आहे.सदर सर्व व्यक्तींची प्रकृती स्थिर व सुरक्षीत असल्याचे सांगण्यात आले.
दरम्यान,मंगळवेढा शहरात पुणे,मुंबई या बाधित क्षेत्रामधून मोठया संख्येने मंगळवेढयात नागरिक दाखल झाले आहेत.हे सर्व लोक परवाना घेवून आले असले तरी यांच्यापासून संसर्ग धोका पोहोचण्याची शक्यता नाकारता येत नसल्याचा तर्क नागरिकांमधून काढला जात असल्यामुळे आरोग्य विभाग प्रशासनाने योग्य ती खबरदारी घेणे हिताचे ठरेल असे बोलले जात आहे.
——————
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
