टीम मंगळवेढा टाईम्स । लग्नात ७ तोळे सोन्याचे दागिने व २ लाखांचे संसारोपयोगी साहित्य देऊनही तुझ्या माहेरच्या लोकांनी आमचा मानपान केला नाही असे म्हणून विवाहितेला जमीन खरेदीसाठी माहेरून अजून पैसे घेऊन ये म्हणून तिचा पोलीस पती , सासू , सासरे, दीर यांनी शारीरिक व मानसिक त्रास देऊन जाचहाट करून मारहाण केली.
ही घटना १३ मार्च २०१८ ते ७ सप्टेंबर २०२० या कालावधीत खवासपूर (ता.सांगोला) येथे घडली आहे. पोलिसांनी याप्रकरणी नवरा किरण नानासो बोडरे , सासू नंदाबाई नानासो बोडरे , सासरे नानासो पांडुरंग बोडरे , दीर महेश व संदीप नानासो बोडरे (रा.खवासपूर) यांच्यावर गुन्हा दाखल केला आहे.
ज्योतीचा १३ मार्च २०१८ रोजी किरण बोडरे याच्याशी रीतिरिवाजाप्रमाणे विवाह झाला. तिच्या वडिलांनी लग्नात जावई किरण यास ७ तोळे सोने व २ लाखाचे संसारोपयोगी साहित्य दिले होते. तिला २ महिने व्यवस्थित नांदविल्यानंतर विविध कारणावरून तिला जाचहाट करून मानसिक त्रास देऊन मारहाण करू लागले.
सदरचा प्रकार आई-वडिलांना सांगितला. दरम्यान सासू, सासरे व पोलीस पती यांनी आपणास जमीन खरेदी करायची आहे, तुझ्या वडिलांकडून पैसे घेऊन ये म्हणून तगादा लावत होते.
लग्न झाल्यापासन ज्योती खवासपूर येथेच राहण्यास असल्याने तिने पतीस मला मुंबईला घेऊन चला , असे म्हणाली असता पतीने तू मला पसंत नाही , माझ्या इच्छेविरुद्ध तुझ्याबरोबर लग्न झाले आहे , असे बोलून पत्नीला शारीरिक मानसिक त्रास देत होते.
दरम्यान, पती व दीर मुंबई पोलीसमध्ये असल्याने ते सुटीवर आल्यावर मला पैसे आणले का नाहीत , याबाबत सारखे विचारणा करून त्रास दिला असल्याचे ज्योती किरण बोडरे हिने पोलिसात दिलेल्या फिर्यादीत म्हटले आहे.
Sangola Police beat up married woman for money Charges filed against four including husband
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
