टीम मंगळवेढा टाईम्स ।
विधानसभा निवडणूकीनंतर मंगळवेढा तालुक्यात अनेक नाटयमय घडामोडी घडू लागल्या असून आमदार समाधान आवताडे यांचा सोशल इंजिनिअरींगचा प्रयत्न दिसून येत असून सिव्हिल इंजिनिअर असलेले श्री संत दामाजी सहकारी साखर कारखान्याचे चेअरमन समाधान आवताडे यांनी कॉम्प्युटर इंजिनिअर असलेले रतनचंद शहा बँकेचे चेअरमन राहल शहा यांच्या निवासस्थानी रविवारी भेट देवून विविध मुद्यांवर चर्चा केली.
दरम्यान , आगामी नगरपालिका निवडणूकीच्या अनुशंगाने या भेटीला विशेष महत्व आले असून भेटीतील चर्चेत नेमके काय ठरले याचा उलगडा नगरपालिका निवडणूकीवेळीच समजणार आहे.
नुकत्याच झालेल्या विधानसभा निवडणूकीत राहुल शहा यांनी पक्षाचा आदेश मानून राष्ट्रवादीसाठी काम केले होते.मात्र निवडणूकीत ते फारसे सक्रिय नसल्याचे जाणवले.राहुल शहा हे शहा गटाचे नेते आहेत.
मंगळवेढा शहरात शहा गटाची ताकद अजूनही आहे हे आजपर्यंतच्या नगरपालिका निवडणूकीच्या निकालावरून दिसून आलेले आहे.आमदार समाधान आवताडे यांनी बेरजेचे राजकारण सुरु केले असून वैयक्तिक गाठीभेटीवर त्यांचा जोर आहे.
येत्या काही महिन्यामध्ये मंगळवेढा नगरपरिषदेची पंचवार्षिक निवडणूक होणार आहे.निवडणूकीमध्ये शहा गटाची भूमिका ही अतिशय महत्वाची असून शहा गटाच्या सहकार्याने जर आवताडेंच्या नेतृत्वाखाली भाजपाने निवडणूक लढविली तर निश्चितच पक्षाला यश मिळून नगरपालिकेत भाजपाची सत्ता येईल अशी आशा कार्यकर्त्यांना आहे .
याशिवाय आमदार प्रशांत परिचारक यांचीही ताकद मिळणार असल्याने नवे समीकरण मांडले जात आहे. समाधान आवताडे हे पंढरपूर व मंगळवेढा तालुक्यातील ग्रामीण भागामध्ये दौरे करीत आहेत.
तर सुटीच्या दिवशी मंगळवेढा शहराला ते आवर्जून वेळ देत असल्याचेही ऐकावयास मिळते. पंढरपूर नगरपरिषदेची जबाबदारी जशी आमदार प्रशांत परिचारक यांचेकडे आहे. तशी मंगळवेढा नगरपरिषदेची जबाबदारी पक्षाने आमदार आवताडे यांचेकडे दिली असून नव्या व जुन्या कार्यकर्त्याचा मेळ घालून ते कशा पध्दतीने वाटचाल करतात हे येणाऱ्या काळात दिसून येणार आहे.
भेटीत फक्त विकासावर चर्चा
या भेटीत फक्त विकासावर चर्चा झाली . गेल्या चार वर्षापासून मंगळवेढयातील अनेक विकास कामे प्रलंबीत आहेत. ती सोडविणे महत्वाचे आहे.
याशिवाय कृष्ण तलाव सुशोभिकरणासारखी अनेक कामे लवकर मार्गी लागली तर त्याचा फायदा नागरिकांना होणार आहे. विकास कामाला आपले प्राधान्य राहिल. – राहुल शहा, चेअरमन रतनचंद शहा बँक, मंगळवेढा.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
![ताज्या बातम्या थेट मोबाईलवर मिळवण्यासाठी आजच जॉईन व्हा ताज्या बातम्या थेट मोबाईलवर मिळवण्यासाठी आजच जॉईन व्हा](https://mangalwedhatimes.in/wp-content/uploads/2021/12/WhatsApp-Add.gif)
बातम्या सर्वप्रथम जाणून घेण्याकरिता लाईक करा आमचे फेसबुक पेज