मंगळवेढा टाईम्स न्युज नेटवर्क।
भोसे जिल्हा परिषद गटातील राजकीय वातावरण सध्या चांगलेच तापले असून, येत्या निवडणुकीच्या पार्श्वभूमीवर महत्त्वपूर्ण घडामोडी घडू लागल्या आहेत.
भैरवनाथ शुगरचे चेअरमन अनिल सावंत यांच्यावर प्रेम करणाऱ्या कार्यकर्ते व शुभचिंतकांची एक महत्त्वाची विचारविनिमय बैठक लवंगी येथील भैरवनाथ शुगर कारखान्यात आयोजित करण्यात आली आहे.
कोणाला मिळणार मतरुपी आशीर्वाद?
भोसे जिल्हा परिषद गटातून सध्या भाजपकडून प्रदीप खांडेकर तर तीर्थक्षेत्र विकास आघाडीकडून बसवराज पाटील हे निवडणूक रिंगणात आमनेसामने उभे ठाकले आहेत.
या दोन्ही उमेदवारांपैकी कोणाला आपला मतरूपी आशीर्वाद द्यायचा, याबाबत अनिल सावंत समर्थकांमध्ये सखोल चर्चा करण्यासाठी ही बैठक आयोजित करण्यात आल्याची माहिती सूत्रांकडून देण्यात आली आहे.
अनिल सावंतांची माघार लागली होती कार्यकर्त्यांच्या जिव्हारी ही बैठक आज सोमवार, दिनांक 2 फेब्रुवारी रोजी दुपारी ठीक 12.30 वाजता आयोजित करण्यात आली असून, या बैठकीकडे संपूर्ण भोसे जिल्हा परिषद गटासह मंगळवेढा तालुक्याचे लक्ष लागून राहिले आहे.
विशेष बाब म्हणजे, अनिल सावंत हे स्वतः भोसे जिल्हा परिषद गटातून निवडणूक लढविण्यास इच्छुक होते. मात्र काही कारणास्तव त्यांनी या निवडणुकीतून माघार घेतली होती.
ही माघार त्यांच्या कार्यकर्ते व शुभचिंतकांच्या जिव्हारी लागली असून, आपला नेता निवडणूक रिंगणात का उतरला नाही? अशी भावना अनेकांमध्ये व्यक्त होत आहे.
याच पार्श्वभूमीवर सोमवारी होणाऱ्या बैठकीत कार्यकर्त्यांची भूमिका, भावना आणि पुढील राजकीय दिशा स्पष्ट होण्याची शक्यता आहे.
राजकीय वर्तुळात उत्सुकता या बैठकीतून एखाद्या उमेदवाराला उघड पाठिंबा जाहीर होतो का, की स्वतंत्र भूमिका घेतली जाते, याबाबत राजकीय वर्तुळात उत्सुकता आहे. त्यामुळे भोसे जिल्हा परिषद गटातील राजकीय समीकरणे बदलणार की अधिक रंगणार, हे पाहणे औत्सुक्याचे ठरणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
