टीम मंगळवेढा टाईम्स ।
पोलिस सेवेत जाण्याचं स्वप्न बाळगून असलेल्यांसाठी खूषखबर आहे. शहर पोलिस आयुक्तालयातील पोलिस व चालक अशा ५० पदांसाठी २,३७४ अर्ज प्राप्त झाले आहेत.
सोलापूर ग्रामीण पोलिस दलातील ९४ पदांसाठी ५,०६३ अर्ज प्राप्त झाले आहेत. उद्या बुधवारीपासून सर्व उमेदवारांच्या मैदानी चाचणीस प्रारंभ होत आहे.
पोलिस आयुक्तालयात पोलिस आयुक्त एम. राजकुमार, उपायुक्त अजित बोऱ्हाडे यांनी तर सोलापूर ग्रामीणचे पोलिस अधीक्षक शिरीष सरदेशपांडे, अपर पोलिस अधीक्षक प्रीतम यावलकर यांनी स्वतंत्र पत्रकार परिषदेद्वारे सोमवारी ही माहिती देण्यात आली.
महाराष्ट्र राज्य पोलिस दलातील रिक्त पदे भरण्यासाठीची प्रक्रिया सर्वत्र १९ जूनपासून सुरू झाली आहे. पोलिस आयुक्तालयात ३४ पोलिस शिपाई आणि १६ चालकांसाठी ही प्रक्रिया राबविण्यात येत आहे.
पोलिस पदासाठी १५४० तर चालक पदासाठी व चालक पोलिस पदासाठी ८३४ असे २,३७४ अर्ज प्राप्त झाले आहेत.
सोलापूर ग्रामीण पोलिस आस्थापनेवर पोलिस शिपायांची ८५ पदे व चालक पोलिस शिपायांची ९ पदे रिक्त पदांची पोलिस भरती २०२२-२३ होत आहे.
त्यामध्ये पोलिस पदासाठी ४,३५३ उमेदवारांचे तर चालक पोलिस शिपाई पदासाठी ७१० उमेदवारांचे अर्ज प्राप्त झाले आहेत. दोन्ही मैदानी चाचणी शहर व ग्रामीण मुख्यालयाच्या मैदानावर होणार आहेत.
पावसामुळे दोन दिवस राखीव
ग्रामीण पोलिसांची भरती प्रक्रिया १९ ते २६ जूनपर्यंत होईल. त्यात कागदपत्र पडताळणी, शारीरिक मोजमाप होऊन त्याच दिवशी मैदानी चाचणी घेण्यात येणार आहे. चालक पोलिस शिपाई पदासाठी अर्ज भरलेल्या उमेदवारांची प्रक्रिया २७ जूनला होणार आहे. पावसाळा असल्याने २८ व २९ असे दोन दिवस राखीव ठेवण्यात आले आहेत, असे सांगण्यात आले.
एकाच उमेदवारांनी अनेक अर्ज भरले असल्यास
काही उमेदवारांनी पोलिस शिपाई, चालक पोलिस शिपाई, बँड्समन व कारागृह पोलिस शिपाई: अशा वेगवेगळ्या पदासाठी वेगवेगळ्या ठिकाणी अर्ज भरलेले असल्यास
अशा उमेदवारांना दोन किंवा अधिक ठिकाणी एकाच दिवशी मैदानी चाचणीसाठी बोलावले असल्यास याबाबत पुराव्यांनिशी विनंती अर्ज केल्यास त्यांना पर्यायी दिनांक देण्यात येईल, असे सांगण्यात आले.
तर तक्रार करा
उमेदवारांकडून पोलिस भरतीच्या अनुषंगाने अथवा कार्यालयाकडील कोणताही अधिकारी, अंमलदार, त्रयस्थ व्यक्ती भरतीसाठी पैशांची मागणी करत असल्याचे निदर्शनास आल्यास तत्काळ यंत्रणेशी संपर्क साधावा. – एम राज कुमार, पोलिस आयुक्त
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज