मंगळवेढा टाईम्स न्युज नेटवर्किंग ।
पुणे ग्रामीण पोलीस दलात एक खळबळजनक घटना घडली आहे. पुणे ग्रामीण पोलीस दलातील कर्मचारी पोलीस हवालदार विष्णू केमदारणे हे आज सकाळी पहाटेपासून इंदापूर पोलीस ठाण्याच्या शासकीय वसाहतीतून बेपत्ता झाले आहेत.
केमदारणे यांनी लिहिलेली एक चिठ्ठी समोर आली असून, या चिठ्ठीतून त्यांनी इंदापूर पोलीस ठाण्याचे पोलीस निरीक्षक सूर्यकांत कोकणे यांच्यासह अन्य दोन पोलीस कर्मचाऱ्यांवर गंभीर आरोप केलेत.
मागील दोन महिन्यांपासून पोलीस निरीक्षक सूर्यकांत कोकणे यांनी पोलीस हवालदार रासकर आणि पोलीस कॉन्स्टेबल सूर्यवंशी यांच्या सांगण्यावरून जीवे मारण्याची धमकी दिली आहे.
तुझी नोकरी व यापुढील आयुष्य हे उध्वस्त करून टाकेल, अशी भाषा वापरून मला जीवे मारण्याची धमकी दिली आहे, असं या चिठ्ठीत लिहिलेल आहे. मात्र, या संदर्भात पोलीस निरीक्षक सूर्यकांत कोकणे यांनी प्रसार माध्यमांना कोणतीही प्रतिक्रिया दिलेली नाही.
विष्णू केमदारणे यांनी त्यांच्या पत्नीच्या मोबाईलवर एक कॉल रेकॉर्डिंग ऑडिओ देखील पाठवलेला आहे. माझ्या या अवस्थेला होणाऱ्या परिणामांना पोलीस निरीक्षक सूर्यकांत कोकणे हेच जबाबदार आहेत, असंही या चिठ्ठीमध्ये लिहिण्यात आलं आहे.
या संपूर्ण खळबळजनक घटनेनंतर इंदापूर पोलीस ठाण्यात विष्णू केमदारणे यांच्या पत्नी प्रियंका केमदारणे यांनी आपले पती हरवल्याची तक्रार देखील दाखल केली आहे.
पोलीस निरीक्षक सूर्यकांत कोकणे यांना सवाल उपस्थित केला आहे. खात्या व्यतिरिक्त तुम्ही माझ्या पतीला वैयक्तिक धमकी का देताय, माझ्या पतीला न्याय मिळाला पाहिजे. अन्यथा मी माझ्या मुलाबाळांसह इंदापूर पोलीस ठाण्यासमोर आत्महत्या करेल असा इशारा ही दिला आहे.
या घटनेमुळे पुणे ग्रामीण पोलीस दलात एकच खळबळ उडाली असून, केमदारणे नेमके बेपत्ता का झाले? त्यांच्या बेपत्ता होण्यामागे इतर काही कारणं आहेत का? खरंच पोलीस निरीक्षक सूर्यकांत कोकणे यांनी त्यांना जीवे मारण्याची धमकी दिली होती का? आणि कशासाठी दिली असे प्रश्न या निमित्ताने उपस्थित झाले आहेत.
केमदारणे इंदापूर पोलीस ठाण्यामध्ये कार्यरत होते. मात्र, 27 एप्रिल रोजी त्यांचा इंदापूर पोलीस ठाण्याकडील पदभार काढण्यात आला होता. भिगवण पोलीस ठाण्याकडे त्यांना रुजू होण्यासाठी कळवण्यात आलं होतं. मात्र केमदारणे यांनी भिगवन पोलीस ठाण्याचा पदभार स्वीकारला नव्हता.
इंदापूर पोलीस ठाण्यात केमदारणे यांच्या पत्नीने ते बेपत्ता असल्याची तक्रार दाखल केली आहे. आमची प्राथमिकता ही सध्या केमदारणे यांना शोधणे ही आहे. त्यासाठी पथकं तयार करण्यात आली असून त्यांचा शोध सुरु आहे.
त्यांनी चिठ्ठीत काही अधिकाऱ्यांवर आरोप केले आहेत, त्या अनुशंगाने त्याची चौकशीही केली जात आहे. दोषी आढळल्यास योग्य ती कारवाई केली जाईल, अशी माहिती उपविभागीय पोलीस अधिकारी डॉ. सुदर्शन राठोड यांनी दिली.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
