मंगळवेढा टाईम्स वृत्तसेवा । पंढरपूर तालुक्यातून एका अल्पवयीन मुलीचे अपहरण झाल्याचा धक्कादायक प्रकार घडला आहे.याप्रकरणी पंढरपूर तालुका पोलिसात तिघांविरोधात गुन्हा दाखल करण्यात आलाय.55 हजार रुपयांसाठी हे अपहरण झाल्याचे मुलींच्या आईने दिलेल्या फिर्यादीत म्हंटले आहे.यात मंगळवेढा तालुक्यातील निंबोनी येथील एकावर गुन्हा दाखल करण्यात आला आहे.
याबाबत सविस्तर माहिती अशी की,मुलीचे आई-वडील हे ऊसतोडकामगार आहेत.चालू गळीत हंगामात हे कुटुंब संजय सोनावणे या मुकादमाच्या टोळीत कामाला होते.त्यांनी मुकादमाकडून ७० हजार रुपये उचल घेऊन कामाला आले होते.पंढरपूर तालुक्यातील ईश्वर वठार येथील एका शेतकऱ्याच्या ऊसतोडीसाठी हे कुटुंब आले होते.
यांच्या टोळीत प्रशांत साबळे (रा.विंचुर ता.द. सोलापूर),शिवाजी तळे (रा.देगाव) तसेच ट्रॅक्टर चालक संतोष उडगी (रा.चडचण कर्नाटक) हा होता.तर ट्रॅक्टर मंगळवेढ्याचे बिटू खांडेकर यांचा होता. फिर्यादी ह्या १७ फेब्रुवारी रोजी आपल्या घरी गेल्या होत्या. त्यावेळी पती आणि मुलगी हे उसतोडीचे ठिकाणी राहिले होते.
२२ फेब्रुवारी रोजी प्रशांत साबळे यांनी फिर्यादीला त्यांची मुलगी वस्तीवरुन निघून गेल्याचे फोन वरुन कळविले. फिर्यादीने तात्काळ ईश्वर वठार गाठले आणि मुलीचा शोध सुरु केला.दरम्यान ट्रॅक्टर चालक संतोष उडगी हा देखिल गायब असल्याचे लक्षात आले.२३ फेब्रुवारी रोजी फिर्यादीच्या भावाने फिर्यादीला सांगितले की, बिटू खांडेकर आणि मुकादम संजय सोनावणेचा फोन आला आहे. तुमची भाची आमच्या ताब्यात असून ५५ हजार रुपये देवून भाचीला घेवून जावा.
फिर्यादीला हे ऐकून धक्काच बसला.
त्यांनी ५५ हजार जमा केले आणि खांडेकर व सोनावणे यांना दिले.पैसे घेतल्यानंतर या दोघांनी तुमच्या मुलीला संतोष उडगी घेवून गेल्याचे सांगितले.या घटनाक्रमावरुन फिर्यादीने संपूर्ण चौकशी केली असता मुकादम संजय सोनावणे,ट्रॅक्टर मालक बिटू खांडेकर यांच्या सांगण्यावरून ट्रॅक्टर चालक संतोष उडगी याने मुलीचे अपहरण केले आहे.
अखेर पैसे देवून ही मुलगी मिळत नाही हे लक्षात आल्यावर पंढरपूर पोलिसात मुलीच्या आईने वरिल तिघांच्या विरोधात फुस लावून अपहरण केल्याचा गुन्हा दाखल केला आहे.या घटनेने ऊसतोड कामगारांमध्ये खळबळ माजली आहे. पुढील तपास पोलिस करीत आहेत.
जगभरातील लाखो वाचक असलेले सोलापूर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.mangalwedhatimes.in
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
