टीम मंगळवेढा टाईम्स ।
सोलापूर जिल्ह्यातील 1 हजार 144 गावांपैकी 100 गावांमध्ये लसीकरण कमी झाल्याने त्या गावांसाठी जिल्हाधिकारी मिलिंद शंभरकर यांनी पालक अधिकारी नियुक्त केले आहेत.
त्यात गटविकास अधिकारी, गटशिक्षणाधिकारी, सहायक गटविकास अधिकारी, लघु पाटबंधारे विभागाचे कार्यकारी अभियंता, प्राथमिक शिक्षणाधिकारी, बांधकाम विभागाचे कार्यकारी अभियंता,
कृषी विकास अधिकारी, जिल्हा पशुसंर्वधन अधिकारी, पोलिस निरीक्षक, सहायक व पोलिस उपनिरीक्षकांचा समावेश आहे.
महाराष्ट्रातील 18 वर्षांवरील 85 टक्के व्यक्तींनी कोरोनावरील प्रतिबंधित लसीचा पहिला डोस घेतला आहे. सोलापूर जिल्ह्यातील 72 टक्के व्यक्तींनीच लस घेतली असून आणखी 28 टक्के व्यक्तींनी एकही डोस घेतलेला नाही.
महाराष्ट्रातील सर्वात कमी लसीकरणात सोलापूरचा समावेश असल्याने अप्पर मुख्य सचिवांनी नाराजी व्यक्त केली आहे. या पार्श्वभूमीवर
जिल्हाधिकाऱ्यांनी पालक अधिकारी नियुक्त करून 100 टक्के लसीकरणाचे नियोजन केले आहे.
निर्बंध घालूनही अनेकजण लस घेत नसल्याची वस्तुस्थिती समोर आली आहे. आशासेविका, अंगणवाडी सेविकांच्या माध्यमातून लस न टोचलेल्यांना व दुसरा डोस न घेतलेल्यांना लसीकरणासाठी प्रवृत्त केले जाणार आहे.
तरीही, लस न घेणाऱ्यांवरील निर्बंध आगामी काळात आणखी वाढतील, असा अंदाज वर्तविला जात आहे.
लसीकरणात पिछाडीवर असलेली गावे
मंगळवेढा : मंगळवेढा शहर, तळसंगी, खोमनाळ, हुलजंती, हन्नुर, गोनेवाडी, दामाजीनगर, नंदेश्वर, श्रीनांदगी, नंदूर, मानेवाडी.
सांगोला : ह. मंगेवाडी, धायटी, मेथवडे, चिंचोळी, देवकतेवाडी, बामणी, बुंरगेवाडी, तरंगेवाडी, डिकसळ, बंडगरवाडी.
पंढरपूर : गोपाळपूर, ताप शेटफळ, तनाळी, देवडे, आंबेचिंचोळी, फुलचिंचोळी, वीटे, सांगवी, पंढरपूर शहर, करकंब.
करमाळा : निमगाव, ध्यायखिंडी, बिटरगाव वरकुटे, बिटरगाव केम, केम, देवीचामाळ, पांगरे, अवाटी, पांडे, पोफळज.
माळशिरस : शंकरनगर, तोंडले, खाळवे, महाळुंग, हनुमानवाडी, माळशिरस, अकलुज, नातेपुते, वेळापूर.
अक्कलकोट : नागणसूर, मिरजगी, बऱ्हाणपूर, हद्रा, पितापूर.
माढा : महादेववाडी, वडाचीवाडी, जाधववाडी, घोटी, मालेगाव, दहिवळी, वाडोळी, गारअकोले, माढा, रोपळे.
मोहोळ : शेजबाभुळगाव, वटवटे, शेटफळ, अर्जुनसोंड, टाकळी सिंकदर, सावळेश्वर, भांबेवाडी, वडवळ, पेनूर, विरवडे बु.
दक्षिण सोलापूर : रामपूर, वळसंग, गुंजेगाव, शिरवळ, फताटेवाडी, होटगी स्टेशन, वडजी, वरळेगाव, सिंदखेड, गुर्देहळ्ळी.
उत्तर सोलापूर : कवटे, वांगी, गावडी दारफळ, अकोलेकाटी, राळेरास
बार्शी : वैराग, आगळगाव, पानगाव, पांगरी, उपळेदुमाला, भांतबरे, घारी, घाणेगाव, श्रीपतपिंपरी, देगाव.
प्रत्येक गावातील 18 वर्षांवरील 100 टक्के व्यक्तींनी कोरोनावरील प्रतिबंधित लस टोचून घेण्यासाठी आता ठोस नियोजन करण्यात आले आहे.
लसीकरण कमी असलेल्या गावांमध्ये दिवसरात्र कॅम्प आयोजित करण्याच्या सूचना जिल्हाधिकाऱ्यांनी दिल्या आहेत. 16 डिसेंबर रोजी जिल्हाभर कॅम्प आयोजित करून 100 टक्के लसीकरण करुन घ्यावे.
काहीजण राहिल्यास 17 व 18 डिसेंबर रोजी त्यांचे लसीकरण करून घेतले जाणार आहे. तहसिलदार व तालुका आरोग्याधिकाऱ्यांनी समन्वय करावा, असेही जिल्हाधिकाऱ्यांनी आदेशात नमूद केले आहे.(स्रोत:सकाळ)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज