आरक्षणाच्या मागणीसाठी विविध संघटना मोर्चा काढत असतात, अशाच प्रकारे आरक्षणाचा बचाव करण्यासाठी देखील मोर्चा काढला जात आहे. ओबीसींनी आरक्षण बचाव मोर्चाची हाक दिली असून पुण्यात नुकतंच या मोर्चाचं आयोजन करण्यात आलं होतं.
राष्ट्रवादी काँग्रेसचे नेते समीर भुजबळ आणि महिला राष्ट्रवादी काँग्रेसच्या प्रदेशाध्यक्ष रुपाली चाकणकर यांच्या नेतृत्वात या मोर्चाचं आयोजन करण्यात आलं होतं.
पुण्यातील शनिवारवाडा ते जिल्हाधिकारी कार्यालयापर्यंत हा मोर्चा पार पडणार होता.ओबीसी आरक्षण बचाव मोर्चाची हाक समता परिषदेच्या माध्यमातून देण्यात आली होती. त्यामुळे या मोर्चाला मोठ्या संख्येने लोक उपस्थित होते.
पुणे पोलिसांनी या मोर्चाला परवानगी दिलेली नव्हती. त्यामुळे समीर भुजबळ यांच्यासह रुपाली चाकणकरांना पोलिसांनी ताब्यात घेतलं.
उठ ओबीसी जागा हो, आरक्षणाचा धागा हो… जय ज्योती, जय संविधान, अशा घोषणांचे फलक या मोर्चात पहायला मिळत होते.
परवानगी नसतानाही मोर्चेकरी मोर्चावर ठाम राहिल्याने पोलिसांनी नेत्यांसह असंख्य कार्यकर्त्यांना ताब्यात घेतलं.
पुण्याच्या माजी आमदार दीप्ति चवधरी यांचाही यामध्ये समावेश आहे. या आंदोलनामुळे शनिवाडा परिसरात मोठ्या प्रमाणात वाहतूककोंडी झालेली पहायला मिळाली. सर्वसामान्य नागरिकांना याचा मोठा फटका बसला.
दरम्यान, ओबीसी आरक्षणाच्या मागणीसाठी आम्ही हा मोर्चा काढणार होतो, त्या दृष्टीने पुण्यात आम्ही सर्व तयारीही केली होती, मात्र पोलिसांनी आम्हाला हा मोर्चा काढू दिला नाही, असं समीर भुजबळ यांनी म्हटलं आहे.
मराठा समाजाच्या आरक्षणाला आमचा विरोध नाही, मात्र ओबीसी आरक्षणाला धक्का न लावता मराठा समाजाला आरक्षण दिलं जावं, अशी आमची भूमिका असल्याचंही समीर भुजबळ यांनी यावेळी सांगितलं
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
