मंगळवेढा टाईम्स वृत्तसेवा:-
मंगळवेढा शहरात सफाई काम करणाऱ्या कंत्राटी कामगारांच्या ठेकेदाराच्या बिला वरती नगराध्यक्ष माळी यांनी सह्या न केल्यामुळे नगरपालिकेकडून ठेकेदाराला पेमेंट होऊ शकले नसल्यामुळे पगार रखडला असून संतप्त सफाई कामगारांनी आंदोलनाचा पवित्रा घेतला आहे,येथील सफाई कामगारांच्या वतीने आज दि . १९ रोजी नगराध्यक्ष अरुण माळी यांच्या घरासमोर ठिय्या आंदोलनाचा इशारा दिला आहे.देशसेवा कामगार युनियनच्या माध्यमातून करण्यात येणार आहे.
याबाबत अधिक माहिती अशी की,मंगळवेढा नगरपरिषदेच्या वतीने शहरातील साफसफाई करण्यासाठी सुमारे ५५ कामगारांची नियुक्ती कंत्राटी बेसवर करण्यात आली आहे. ठेकेदाराकडून बिल नगरपरिषदेकडे रितसर सादर केले आहे.
- कंत्राटी सफाई कामगारांच्या बिलासाठी लागणारी कागदपत्रे अपूर्ण असून त्याची पूर्तता करण्यास सांगूनही आरोग्यविभाग विलंब लावत असल्याने सह्या झाल्या नाहीत.- सौ.अरूणा माळी,नगराध्यक्षा.
त्या बिलावर मुख्याधिकारी पल्लवी पाटील यांच्यासह संबंधित अधिकाऱ्यांच्या सह्या होऊन हे बिल नगराध्यक्ष माळी यांच्याकडे सहीसाठी पाठवण्यात आले आहे. परंतु नगराध्यक्षांकडून या बिलावर सह्या करण्यास विलंब लावला जात आहे. या सफाई कामगारांच्या गेल्या तीन महिन्यापासूनचा पगार न झाल्यामुळे आज दि . १८ रोजी सुमारे ५५ कामगारांनी नगरपालिकेच्या प्रवेशद्वारात जमा होऊन काम बंद आंदोलन ठेवण्याचा इशारा दिला. नगरपालिकेतील राजकारणाचा परिणाम म्हणून गोरगरीब सफाई कामगारांना काम करूनही गेल्या तीन महिन्यापासून पगार न झाल्याने त्यांच्यावर उपासमारीची वेळ आली आहे.
येथील देशसेवा सफाई कामगार संघटनेच्यावतीने आज दि.१९ फेब्रुवारी रोजी या कामगारांना तात्काळ पगार मिळाव्यात व त्यांचा पीएफ भरला जावा , या मागणीसाठी नगराध्यक्षा अरुणा माळी यांच्या घरासमोर ठिय्या आंदोलन करण्याचा इशारा आदित्य मुदगल यांनी दिला आहे.
जगभरातील लाखो वाचक असलेले सोलापूर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.mangalwedhatimes.in
This Story First Publish on mangalwedhatimes.in®
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
