मंगळवेढा टाइम्स न्युज नेटवर्किंग ।
मंगळवेढा तालुक्यातील खडकी येथे नुकत्याच घडलेल्या अत्यंत दुर्दैवी घटनेमुळे संपूर्ण तालुक्यात शोककळा पसरली आहे. सरपण आणण्यासाठी गेलेल्या आईसह तिच्या दोन चिमुकल्या मुलांचा साठवण तलावात बुडून मृत्यू झाल्याची घटना तीन दिवसांपूर्वी उघडकीस आली होती.
या दुर्दैवी प्रसंगाने परिसरातील नागरिक हळहळ व्यक्त करत असून, घोडके कुटुंबावर दुःखाचा प्रचंड डोंगर कोसळला आहे. गावात शोककळा पसरली असून सर्वत्र संवेदनशील वातावरण निर्माण झाले आहे.
या पार्श्वभूमीवर भैरवनाथ शुगर उद्योग समूहाचे चेअरमन अनिल सावंत यांनी तत्काळ खडकी येथे भेट देत घोडके कुटुंबियांचे सांत्वन केले. त्यांनी कुटुंबीयांशी संवाद साधत त्यांना धीर दिला आणि या कठीण प्रसंगी आपण त्यांच्या पाठीशी खंबीरपणे उभे आहोत, असा विश्वास दिला.
यावेळी त्यांनी तातडीची आर्थिक मदत प्रदान करत कुटुंबाच्या गरजांचा विचार करून पुढील काळातही आवश्यक ते सहकार्य करण्याची ग्वाही दिली.
अनिल सावंत यांची ही मदत केवळ आर्थिक नसून सामाजिक जाणीव आणि माणुसकीचा उत्तम नमुना असल्याचे नागरिकांनी भावना व्यक्त केली.
मंगळवेढा तालुक्यात यापूर्वीही ज्या ज्या ठिकाणी अशा प्रकारच्या दुर्दैवी घटना घडल्या आहेत, त्या प्रत्येक ठिकाणी स्वतः उपस्थित राहून मदतीचा हात देण्याची परंपरा त्यांनी कायम ठेवली आहे. त्यामुळे ते केवळ उद्योगपती नसून समाजाभिमुख नेतृत्व म्हणून ओळखले जात आहेत.
या घटनेने ग्रामीण भागातील साठवण तलावांच्या सुरक्षिततेचा प्रश्न पुन्हा एकदा ऐरणीवर आला असून, अशा दुर्घटना टाळण्यासाठी प्रशासनाने ठोस उपाययोजना कराव्यात, अशी मागणीही यावेळी ग्रामस्थांकडून करण्यात आली.
खडकी येथील ही घटना अत्यंत वेदनादायी असली तरी, अशा प्रसंगी समाजातून पुढे येणारी मदत आणि एकजूट हीच खरी माणुसकीची ओळख असल्याचे या निमित्ताने पुन्हा अधोरेखित झाले आहे.
या भेटीदरम्यान सखाराम बेलदार, ह.भ.प. सुदर्शन महाराज, हौसाप्पा शेंबडे , संभाजी मस्के, युवराज बंडगर, बाबुराव ठोंबरे, गणेश रणदिवे यांच्यासह खडकी गावातील अनेक मान्यवर व ग्रामस्थ उपस्थित होते. सर्वांनी मिळून घोडके कुटुंबाच्या दुःखात सहभागी होत त्यांना मानसिक आधार देण्याचा प्रयत्न केला.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
