मंगळवेढ्यात वेळेपेक्षा जास्त वेळ दुध डेअरी चालू ठेवल्याप्रकरणी दुध डेअरी चालकांवर गुन्हे दाखल

टीम मंगळवेढा टाईम्स ।

कोरोना कालावधीत कडक लॉकडाऊन असतानाही जिल्हाधिकारी सोलापूर यांच्या आदेशाचा भंग केल्याप्रकरणी विहित वेळेपेक्षा जास्त वेळ दुध डेअरी चालू ठेवल्याप्रकरणी तीन दुध डेअरी चालकांवर गुन्हे दाखल करण्यात आले आहेत.

याबाबत अधिक माहिती अशी ,समाधान दत्तात्रय माळी (वय २८, माळी गल्ली, मंगळवेढा), महेश गौरीहर भिमदे (रा.किल्ला भाग मंगळवेढा), संजय मऱ्याप्पा शिकतोडे (वय ४० , रा.भिमनगर ), अशोक बुरूंगे ( हिवरगांव ता. मंगळवेढा) , अभिजीत युवराज पवार (वय २२, धर्मगाव रोड ) , सुधीर बापूराव जाधव ( कारखाना रोड , मंगळवेढा ) यांनी,

जिल्हाधिकारी सोलापूर यांच्या आदेशाचा भंग केल्याप्रकरणी त्यांच्याविरूध्द भा.दं.वि.सं.कलम १८८,२६ ९ , २७० , साथीचे रोग प्रतिबंध अधि. १८५७ चे कलम २,३,४ आपत्ती व्यवस्थापन कायदा २००५ चे कलम ५१ ( ब ) प्रमाणे गुन्हा दाखल केला असून याची फिर्याद पो.ना.राजकुमार ढोबळे यांनी दिली असून याचा अधिक तपास पो.हे.कॉ. पवार पो.ना.कोळी हे करीत आहेत.

हाताला चावा घेतल्याने महिला जखमी

जमिनीचा वाद मिटवून यापुढे भांडण न करण्याबाबत समजून सांगण्यासाठी गेलेल्या तिघांना भावकीतील महिलेने शिवीगाळ करीत कु – हाड घेऊन मारण्याकरिता दिराच्या अंगावर धावून आली.

मात्र कु – हाड हिसकावून घेतल्याने तिने उजव्या हाताच्या कोपऱ्याला चावा घेऊन चुलत जावेला जखमी केले . ही घटना शुक्रवार २१ रोजी सायं . ६ च्या सुमारास जवळा पांढरेवस्ती ता . सांगोला येथे घडली तालुक्यातील जवळा , पांढरे वस्ती येथील नितीन साळुखे व चुलते आप्पासो साळुखे यांच्यामध्ये १ ९९ ७ पासून जमिनीचा वाद असल्याने कोर्टात केस चालू आहे.

त्यामुळे चुलत सासरे व त्यांच्या घरातील इतर लोक त्यांना जमीन वहिवाटीस नेहमी हरकत अडथळा करीत होते.

याबाबत पोलिसात एकमेकाविरूध्द परस्पर तक्रारी दाखल आहेत. दरम्यान २१ मे रोजी सायं . ६ च्या सुमारास सुवर्णा साळुखे , नितीन साळुखे व विनायक साळुखे असे मिळून आप्पासो साळुखे यांच्या घरी जमिनीचा वाद मिटवून भांडण तंटा न करण्याबाबत समजून सांगण्यासाठी गेले होते.

परंतु त्यांनी या चर्चेला प्रतिसाद दिला नाही . त्यामुळे सर्वजण परत घराकडे निघाले असता चुलत जाऊ लता संजय साळुखे तिच्या घरासमोर उभी राहून सर्वांना शिवीगाळ करू लागली.

त्यावेळी विनायक साळुखे यांनी चुलत भाऊ संजय साळुखे यास पत्नी लता हीस शिवीगाळ करू नको म्हणून सांग असे समजावत होते . त्यावेळी लता ही हातात कु – हाड घेऊन विनायक साळुखे यास मारण्याकरिता अंगावर धावून आली असता सुवर्णाने तिला वेळीच रोखले.

त्यावेळी नितीन साळुखे याने तिच्या हातातील कु – हाड काढून घेतली . परंतु लता हिने सुवर्णाच्या उजव्या हाताच्या कोपऱ्याला तोंडाने चावा घेऊन जखमी केले. याबाबत , सुवर्णा नितीन साळुखे रा.जवळा , पांढरेवस्ती यांनी लता संजय साळुखे हिच्याविरूध्द सांगोला पोलीस ठाण्यात फिर्याद दाखल केली आहे .