मंगळवेढा शहरात व ग्रामीण भागात कोरोनाचा कहर हळूहळू कमी होताना दिसत असून आज तालुक्यात 8 नव्या रुग्णांची वाढ झाली आहे तर 8 रुग्ण कोरोनामुक्त होऊन घरी गेलेले आहेत. त्यामुळे आता ऍक्टिव्ह रुग्णांची संख्या 96 वर गेली आहे.
आज दि.12 ऑक्टोबर रोजी 13 नागरिकांचे स्वब ( RT – PCR ) कोरोना चाचणी अहवाल तपासणी कामी घेणेत आलेले आहेत. तसेच आज 129 रॅपीड अॅन्टीजन टेस्ट ( RAT ) घेण्यात आलेल्या आहेत.
वरील 129 रॅपीड अॅन्टीजन टेस्ट पैकी पॉझिटिव्ह 5 आणि निगेटिव्ह 124 जणांचे अहवाल आलेले आहेत.
सदरचे नागरिक हे मंगळवेढा शहर 1 , दामाजीनगर 1 , ब्रम्हपुरी 1 , मारापूर 1 , भालेवाडी 1 येथील आहेत.
सोलापूर येथे पाठविणेत आलेले स्वब ( RT – PCR ) चे 3 पॉझिटिव्ह अहवाल प्राप्त झाले आहेत.
सदरचे नागरिक हे मंगळवेढा 1 , उचेठाण 1 , भालेवाडी 1 येथील कोरोना रूग्णांच्या निकटतम संपर्कातील आहेत.
मंगळवेढा शहरातील व्यापाऱ्यांनी मास्क असेल तरच माल मिळेल, अशी सूचना लावल्यामुळे शहरांमध्ये शिस्तीचे पालन केले जात आहे. अशाच पद्धतीचा अवलंब ग्रामीण भागात यापुढील काळात करणे आवश्‍यक आहे. त्यादृष्टीने सर्वसामान्य नागरिकांनी देखील यात पुढाकार महत्त्वाचा आहे. नागरिकांनी यापुढील काळात कोरोना साखळी नियंत्रण करण्यासाठी प्रयत्न करावेत, असे आवाहन प्रशासनाच्या वतीने करण्यात आले.
मंगळवेढा तालुक्यात आतापर्यंत 1 हजार 312 रुग्ण पॉझिटिव्ह आढळले आहेत. तर 1 हजार 186 रुग्णांना उपचार कालावधी नंतर घरी सोडण्यात आले आहे. आणि आतापर्यंत 96 रुग्णांवर उपचार सुरू आहेत व आत्तापर्यंत 30 जणांचा मृत्यू झाला आहे.
नागरिकांची योग्य ती काळजी घेत प्रशासनास सहकार्य करावे असे आवाहन प्रशासनाच्या वतीने करण्यात आले आहे
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
