टीम मंगळवेढा टाईम्स ।
महाराष्ट्र राज्याचे उपमुख्यमंत्री अजित पवार याचा वाढदिवस दि.22 जुलै रोजी असून कोरोना रोगाचे नियमाचे पालन करून मंगळवेढा शहर , तालुका , महिला व सर्व सेल राष्ट्रवादी काँग्रेस पार्टी मंगळवेढा यांच्या वतीने गुरुवार रोजी दामाजी महाविद्यालय चे समोरील खुल्या जागेत सकाळी 10.10 वा. वृक्षारोपण करण्यात येणार असून
सकाळी 11.00 वा. कोरोना पार्श्वभूमीवर मदत म्हणून रक्ताचा तुटवडा भासत असलेले रेवनील ब्लड बॅक सांगोला व राष्ट्रवादी काँग्रेस पार्टी मंगळवेढा यांचे संयुक्त विद्यमाने भव्य रक्तदान शिबीर लक्ष्मीनारायण मंगल कार्यालय येथे आयोजित करण्यात आल्याची माहिती राष्ट्रवादीचे शहराध्यक्ष मुजम्मील काझी यांनी दिली आहे.
तसेच 11.10 वा. जेष्ठ नागरिक यांची नेत्र तपासणी मंगळवेढा येथील डाॅ.श्री. निनाद नागणे, मंगळवेढा, डॉ. श्री. अक्षय ढेगींल मंगळवेढा व डाॅ. दौला ठेगींल सोलापूर यांच्या वतीने मोफत नेत्र तपासणी करण्यात येणार असून आवश्यक व गरजू लोकांना राष्ट्रवादी काँग्रेस पक्ष यांच्या वतीनेच मोफत चष्मे वाटप करण्यात येणार आहे.
तरी जास्तीत जास्त रक्तदान श्रेष्ठ दान म्हणून रक्तदात्यानी सहभाग नोंदवावा व कोरोना काळात मदत करावी. तसेच नेत्र तपासणी करीता जास्तीत जास्त सहभाग नोंदविणारयाची तपासणी करून आवश्यकतेनुसार चष्मे वाटप करण्यात येणार आहे.
तरी सर्व राष्ट्रवादी प्रेमी कार्यकर्ते पदाधिकारी रक्तदाते व नेत्र तपासणी करणेस इच्छुकांनी उद्या गुरुवार सकाळी 11 ते 5 वेळेत हजर रहावे असे आवाहन मंगळवेढा शहर राष्ट्रवादी काँग्रेस पक्षाचे शहराध्यक्ष मुजम्मील काझी यांनी केले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
