चिंता वाढली! मंगळवेढामध्ये कोरोनाचा पाचवा बळी, 30 वर्षीय युवकाचा मृत्यू

टीम मंगळवेढा टाईम्स । मंगळवेढा तालुक्यात कोरोना रुग्णांची संख्या वाढत असतानाच कोरोनामुळे मृत्यू झालेल्यांचीही संख्या वाढत आहे. रविवारी पहाटे 2 वाजताच्या सुमारास कोरोनाने तालुक्यातील पाचवा बळी घेतला आहे. रविवारी तालुक्यात आणखी नव्या 4 बाधितांची भर पडली आहे. त्यामुळे आता एकूण रुग्णसंख्या 419 झाली आहे.

कोरोनातून मुक्त होण्याची संख्याही वाढतेय रविवारी तालुक्यात आणखी नव्या 4 बाधितांची भर पडली आहे. त्यामुळे आता एकूण रुग्णसंख्या 419 झाली आहे. विशेष म्हणजे दररोज जशी बाधित रुग्णांची संख्या वाढत आहे, तसेच कोरोनातून मुक्त झालेल्यांचीही संख्या वाढत आहे. तर मंगळवेढा शहरातील चांभार गल्ली येथील 30 वर्षांच्या पुरुषाचा कोरोनाने मृत्यू झाला आहे.

रविवारपर्यंत तब्बल 243 कोरोनाबाधित आजारातून मुक्त होऊन त्यांना सुटी देण्यात आली आहे. त्यामुळे आता तालुक्यात अ‍ॅक्टीव्ह रुग्णांची संख्या केवळ 171 आहे.

आज दि.23 ऑगस्ट रोजी 12 जणांचे स्वब ( RT – PCR ) कोरोना चाचणी अहवाल तपासणी कामी घेणेत आलेले आहेत. तसेच आज 15 रॅपीड अॅन्टीजन टेस्ट घेण्यात आलेल्या आहेत. 15 रॅपीड अॅन्टीजन टेस्ट केलेल्या सर्व नागरिकांचे अहवाल निगेटिव्ह आलेले आहेत.

सोलापूर येथे पाठविणेत आलेले स्वब ( RT – PCR ) चे आज 4 नागरीकांचा पॉझिटिव्ह अहवाल प्राप्त झाला आहे.

सदर नागरिक हे मंगळवेढा शहर 3 , तामदर्डी 1 येथील निकटतम पॉझिटिव्ह रुग्णाचे संपर्कातील आहेत.

मंगळवेढा तालुक्यात आज अखेरपर्यंत 419

रुग्ण पॉझिटिव्ह आढळले आहेत. तर 243 रुग्णांना उपचार कालावधी नंतर घरी सोडण्यात आले आहे. आणि आज पर्यंत 171 रुग्णांवर उपचार सुरू आहेत व आत्तापर्यंत पाच जणांचा मृत्यू झाला आहे.

दरम्यान, 23 रुग्ण कोरोनामुक्त झाल्याने मोठा दिलासा मिळाला असला तरी दिवसेंदिवस वाढत असलेल्या रुग्णांची संख्या ही चिंताजनक बाब आहे. नागरिकांनी शासनाने दिलेल्या नियमांचे पालन करावे. कोणीही घराबाहेर पडू नये. गर्दी न करता आपण कोणत्याही संसर्गित व्यक्तीच्या संपर्कात येणार नाही आणि आपल्याला कोरोनाची लागण होणार नाही, याची काळजी घ्यावी. आपल्या आरोग्याकडे लक्ष द्यावे, असे आवाहन प्रशासनाच्या वतीने करण्यात आले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.