टीम मंगळवेढा टाईम्स।
मंगळवेढा तालुक्यातील लवंगी ग्रामपंचायत कामामध्ये केलेल्या भ्रष्टाचार कारभाराची चौकशी करुन सरपंचास अपात्र करावे अशी मागणी सामाजिक कार्यकर्ते शरद कोळी यांनी जिल्हाधिकाऱ्यांकडे केली आहे.
याबाबत सविस्तर माहिती अशी की, लवंगी गावचे सरपंच आलका महादेव देवकर व त्यांचे पती महादेव देवकर हे व ग्रामसेवक यांनी संगनमत करुन ग्रामपंचायत कामामध्ये मोठया प्रमाणात भ्रष्टाचार करुन शासनाने दिलेला निधी हडप केलेला आहे.
गावामध्ये मुरमीकरण करण्याचे काम करण्यात आलेला आहे. परंतु सदर मुरुम हा शासनाला रॉयल्टी न भरता अवैद्य व बेकायदेरित्या गावाच्या बाजूला १५ ते २० फुट खोलीचा मोठा खड्डा मारुन जवळपास एक एकराचा एरियाचा मुरुम अवैध रित्या उचलून मुरमीकरण केलेला आहे.
त्यावेळेस शासनाची कुठलीही रॉयल्टी भरलेली नाही. त्यावेळेस सरपंच पदाचा गैरवापर केल्यामुळे संबंधित सरपंचाला चौकशी करुन अपात्र ठरविण्यात यावे व संबंधित सरपंच व ग्रामसेवकावर फौजदारी गुन्हा दाखल करावा असे सामाजिक कार्यकर्ते शरद कोळी यांनी दिलेल्या तक्रारीत म्हंटले आहे
१५ वा वित्त आयोगातून केलेली कामे संपुर्ण बोगस असून बनावट कागदपत्रे व एम.बी. करुन कामे न करता बिले उचलेली आहेत. त्याची चौकशी होवून चालू असलेल्या कामाचे बिल तात्काळ थांबविण्यात यावे.
संबंधित सरपंच, ग्रामसेवक, ठेकेदार व सरपंचाचा पती यांच्यावरती फौजदारी गुन्हे दाखल करण्यात यावेत तसेच संबंधितावर कार्यवाही न झाल्यास जिल्हाधिकारी कार्यालयासमोर मंगळवार दि.5 एप्रिल रोजी हलगीनाद आंदोलन करण्यात येईल, याची आपण दखल घ्यावी असा इशारा शरद कोळी यांनी दिला आहे.
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज