येणाऱ्या निवडणुका महाविकास आघाडी पूर्ण ताकदीने लढणार; अनिल सावंत यांनी फुंकले नगरपालिका, जिल्हा परिषद निवडणुकीचे रणशिंग

मंगळवेढा टाईम्स न्यूज नेटवर्क ।

येणाऱ्या सर्व निवडणुका राष्ट्रवादी काँग्रेस शरदचंद्र पवार पक्ष म्हणून मोठ्या ताकदीने लढणार असल्याचे अनिल सावंत यांनी जाहीर केले. लक्ष्मीनारायण मंगल कार्यालय मंगळवेढा येथे आयोजित महाविकास आघाडी विचारमंथन बैठकीप्रसंगी ते बोलत होते.

व्यासपीठावर माजी मंत्री लक्ष्मणराव ढोबळे, राष्ट्रवादी काँग्रेस शरदचंद्र पवार गटाचे नेते राहुल शहा, माजी नगरसेवक चंद्रशेखर कोंडूभैरी, कार्याध्यक्ष संतोष रंधवे, प्रथमेश पाटील, काँग्रेस नेते फिरोज मुलाणी, बबन ढावरे यांच्यासह ग्रामीण भागातील विविध गावातील सरपंच, ग्रामपंचायत सदस्य आदीजन उपस्थित होते.

अनिल सावंत पुढे बोलताना म्हणाले की, कमी दिवसांमध्ये तो काळ मिळाला त्या काळाचे नियोजन करणे, प्रत्येक गावात जाणे, प्रत्येक नागरिकांना भेटणे याचे नियोजन कमी झाले, आपल्या सर्वांच्या आशीर्वादामुळे मी निवडणूक लढवली, सर्वांनी मोठ्या ताकदीने मला साथ दिली मी स्वतः या पराभवाची जबाबदारी घेतली आहे.

जो निवडणुकीचा निकाल लागला यावरून शरद पवार साहेब, व उद्धव ठाकरे साहेब यांना संपवण्याचा कुटील डाव सरकारने केला आहे. भाजपच्या उमेदवाराविरोधात महाविकास आघाडीचा एक उमेदवार पाहिजे होता, पण वरिष्ठ पातळीवर याची दखल घेतली गेली नाही.

शरद पवार साहेब प्रत्येक मतदारसंघात बैठक घेणार आहेत, आपल्या मतदारसंघात बैठक होईल. बरेच ठिकाणी आपल्या लोकांनी मतदान केले आहे. तुतारी म्हणून आम्ही मतदान केले आहे तरीपण आपल्याला यश मिळाले नाही. यापुढेही मोठ्या ताकदीने अनिल सावंत जनतेसाठी काम करणार आहे. चोरी करून निवडणुका जिंकल्या असल्याचा हल्लाबोल अनिल सावंत यांनी केला.

आजपासून कामाला लागून प्रत्येक गावात शाखा सुरू करून जनतेच्या अडीअडचणी सोडवण्यासाठी मी 24 तास काम करणार आहे. प्रत्येक कार्यकर्ते, पदाधिकारी यांनी प्रामाणिक काम करावे येणाऱ्या काळात 2029 ला आपला विजय निश्चिंत असल्याचा त्यांनी विश्वास व्यक्त केला.

लक्ष्मणराव ढोबळे बोलताना म्हणाले की, ही निवडणुक अनिल सावंत यांनी मोठ्या ताकदीने लढली आहे. कमी वेळेत मोठे मताधिक्य घेतले आहे. विधानसभा निवडणुकीत ज्या चुका झाल्या आहेत त्या सर्व चुका सुधारून येणाऱ्या काळात सर्व निवडणुका मोठ्या ताकदीने सर्वांना सोबत घेऊन आम्ही लढून जिंकणार आहोत.

मतदारसंघातील सर्व शासकीय कार्यालयात गोरगरीब जनतेची कामे मार्गी लावण्यासाठी आम्ही सर्व नेतेमंडळी जाणार आहे. प्रत्येक गावात, प्रत्येक वार्डात जाऊन नागरिकांच्या अडीअडचणी सोडवण्यासाठी प्रयत्न होणे गरजेचे असल्याचे ढोबळे म्हणाले.

राहुल शहा बोलताना म्हणाले की, या निवडणुकीत अनेक विचार मतदारसंघात मांडले गेले, शरद पवार साहेबांच्या विचारधारे वर आम्ही काम केले आहे. त्यांनी जो आदर्श बांधून दिला त्याप्रमाणे आम्ही प्रामाणिक काम केले आहे.

मंगळवेढा शहरातून काही मोजकेच पदाधिकारी सोबत घेऊन कामाला सुरुवात केली, आमची संघटना विस्कळीत झाली असल्याचे आम्हाला जाणवले.

प्रस्थापितांविरोधात लोकांत प्रचंड चीड निर्माण झाली होती त्यामुळे आम्ही स्वच्छ चेहरा म्हणून अनिल सावंत यांच्या पाठीमागे आम्ही खंबीरपणे उभे राहिलो आहे. शरद पवार साहेबांचा हक्काचा मतदारसंघ असताना काँग्रेसने दगाबाजी करून उमेदवारी जाहीर केली.

आम्ही उमेदवारी एकच राहण्यासाठी खूप प्रयत्न केले पण पवार साहेबांनी आपला हक्काचा मतदारसंघ असताना निवडणूक पूर्ण ताकदीने लढा म्हणून सांगितले होते.

शेतकरी व सर्वसामान्य जनतेशी नाळ जोडलेला नेता म्हणून शरद पवार यांच्याकडे पाहिले जाते, त्याच पावलावर अनिल सावंत हे काम करत असून येणाऱ्या काळात आम्ही मोठ्या ताकदीने लढू असा विश्वास त्यांनी व्यक्त केला.

आमची मते गेली कुठे

100 टक्के EVM मशीनमध्ये घोटाळा असून माझ्या 219 बूथवर आम्हाला कमीतकमी 400 मते आमच्या हक्काची असताना आम्हाला केवळ 14 मते मिळाली आहेत यात मशीन मध्ये घोटाळा असल्याचे रामभाऊ दोलतोडे यांनी सांगितले.

खासदार प्राणिती शिंदे यांनी फसवणूक केली

खासदार प्राणिती शिंदे यांना आमच्या मतदारसंघातून लोकसभेला 45 हजार मताधिक्य आम्ही सर्वांनी मिळवून दिले हे केवळ भालके यांनी मिळवून दिले नाहीत यात सर्वांचे योगदान आहे. शेवटच्या दोन दिवसात विरोधकांनी चुकीचा प्रचार केला, सरकार विरोधात आपण सांगण्यात कमी पडलो असल्याचे मरवडेचे साहेबराव पवार यांनी सांगितले.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.