टीम मंगळवेढा टाईम्स ।
उत्तर प्रदेशातील लखीमपूर खेरी येथील हिंसाचाराच्या निषेधार्थ आज सोमवारी महाविकास आघाडीने राज्यव्यापी बंद पुकारला आहे.
राज्यातील सत्ताधाऱ्यांनी पुकारलेल्या या बंदला भाजपविरोधातील सर्वच पक्ष, संस्थांसह विविध कामगार संघटनांनी पाठिंबा जाहीर केला आहे.
त्यामुळे बंद परिणामकारक ठरण्याची शक्यता वर्तविण्यात येत असतानाच मंगळवेढ्यात मात्र महाराष्ट्र बंदला सकाळच्या सत्रात प्रतिसाद मिळत नसल्याचे चित्र दिसून येत आहे.
दरम्यान मंगळवेढा शहर व जिल्ह्यातील सर्व दुकाने व सार्वजनिक वाहतूक व्यवस्था सुरळीतपणे सुरू असून बाजार समितीमधील सर्व व्यवहार हे सुरू असल्याचे चित्र पहावयास मिळाले.
बाजार समितीत शेतकरी व व्यापारी मोठ्या प्रमाणात गर्दी केल्याचे चित्र दिसून आले.
मंगळवेढा व्यापारी संघाचा बंदला विरोध
व्यापारी महासंघाने पाठीमागील काळात कोणत्याही पक्षाचा राजकीय बंद पाळणार नसल्याचा ठराव केला असल्याची माहिती सचिव अरुण किल्लेदार यांनी दिली आहे.
त्यानुसंघाणे शहरातील सर्व दुकाने व्यवस्थित सुरू आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
