मंगळवेढा टाईम्स वृत्तसेवा । फळपिकांसाठी हवामान आणि उत्पन्नावर आधारितच पीक विमा मिळायला हवा होता तो चुकीच्या पद्धतीने मंजूर करण्यात आला आहे.शासन सांगते एक पणप्रत्यक्षात शासनाने शेतकऱ्यांच्या हातात धतुरा दिलाय असंच म्हणावं लागतय.सध्या बजाज अलायन्ज बरोबर ईतर कंपनीने देखील शेतकऱ्यांना फसविण्याचे काम केला असल्याचा आरोप प्रा.संतोष पवार यांनी केला.
खरीप हंगामासाठी मृग बहाराची फळबाग पिकविमा संदर्भात प्रहार संघटनेच्या नेतृत्वाखाली मंगळवेढा तालुक्यातील सर्व शेतकऱ्यांची मिटींग मरवडे ग्रामपंचायत कार्यालयात आयोजित केली होती. या मिटींग मध्ये अनेक गोष्टींचा उहापोह केला गेला. यावेळी प्रहार संघटनेचे युवाजिल्हाध्यक्ष प्रा.संतोष पवार यांनी उपस्थित शेतकऱ्यांना मार्गदर्शन केले.
पावसाची आणेवारी घोषित केली नाही.व मृग बहाराचा कालावधी जून-जुलै असताना पिकविमा कंपन्यांनी तो 15 ऑगस्ट ते 16 सप्टेंबर व 16आक्टोंबर ते 15 डिसेंबर ते 31 डिसेंबर कालावधी धरल्याने पिकविम्या रक्कम फारच कमी मंजूर झाल्याने शेतकऱ्यांवर अन्याय झाला आहे.
35 गावच्या शेतकऱ्यांनी तर 15 जुलै ते ऑगस्ट या काळात दुष्काळ असल्याने व सप्टेंबर ते आक्टोंबर या काळात खंडीत पाऊस असल्याने डाळींब व ईतर फळबाग पिकांना टॅंकरने पाणीपुरवठा केला. अशा पध्दतीने सर्वच भागात दुष्काळ असताना पिक जपले अन आक्टोंबर ते डिसेंबर काळातील अतिवृष्टीमुळे डाळींबाचे आतोनात नुकसान झाले. अशात विशिष्ट भागातच तुटपुंजी रकमेचा अन्यायकारक पिकविमा मंजुर करण्यात आला आहे. व मरवडे, भोसे व मंगळवेढा मंडल पिकविम्यातून बेकायदेशीररित्या वगळण्यात आले आहे.
प्रहार शेतकरी संघटनेच्या वतीने योग्य तो पिकविमा मिळावा. व वळलेल्या मंडलेचा समावेश व्हावा. अन्यथा प्रहार स्टाईलने आंदोलन करण्यात येईल असा इशारा प्रहार जनशक्ती पक्ष शेतकरी संघटनेच्या युवाजिल्हाध्यक्षांनी केला प्रहारने केलेल्या आवाहनाला प्रतिसाद देत शेकडो शेतकरी मरवडे आसबेवाडी, भोसे, खवे सलगर, येड्राव, भाळवणी, लंवगी बोराळे येथून पिकविम्या संदर्भात सर्व समस्यांवर तोडगा काढण्यासाठी व आंदोलनाची दिशा ठरविण्यासाठी उपस्थित होते.
शेतकऱ्यांनी या अन्यायाला वाचा फोडण्यासाठी सर्व प्रथम सोमवार दि. 9मार्च रोजी उपविभागीय अधिकारी, कृषी अधिकारी,पंढरपूर विभाग. कृषी अधिकारी मंगळवेढा., तहसीलदार मंगळवेढा याना निवेदन देऊन सोमवार दिनांक 16मार्च रोजी बोराळनाका चौकात चक्काजाम आंदोलन करण्याचे ठरले आहे.
जगभरातील लाखो वाचक असलेले सोलापूर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.mangalwedhatimes.in
This News First Publish on mangalwedhatimes.in®
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
