टीम मंगळवेढा टाईम्स ।
मंगळवेढा येथील शिर्के मल्टिस्पेशालिटी हॉस्पिटल येथे धनत्रयोदशीच्या शुभमुहूर्तावर सि आर्म या अत्याधुनिक मशीनचे डॉक्टरांच्या हस्ते उद्घाटन करण्यात आले.
याप्रसंगी शिर्के मल्टी स्पेशलिटी हॉस्पिटल अँड आयसीयूच्या संचालिका डॉ.जयश्री वाले, डॉ.सुजाता माळी, डॉ.शबनम सय्यद यांच्या हस्ते प्रथम धन्वंतरीच्या मूर्तीचे पूजन करण्यात आले त्यानंतर सी आर्म त्या मशीनचे पूजन करण्यात आले.
या अत्याधुनिक मशीनच्या साहाय्याने आता हाडांचे सर्व अवघड ऑपरेशन करण्यास साहाय्यता प्राप्त होईल. तसेच अत्याधुनिक ऑपरेशन थिएटरमधील उपकरणांमध्येही याची भर पडेल.
याप्रसंगी बोलताना अस्थिरोगतज्ज्ञ डॉ.अभिजीत साळुंखे म्हणाले की, मंगळवेढा शहर व आजुबाजुच्या गावांमध्ये सुसज्ज ऑपरेशन थिएटरची आत्तापर्यंत कमतरता होती.
आत्तापर्यंत येथे हाडांचे कुठल्याही प्रकारचे कॉम्प्लिकेटेड ऑपरेशन करता येत नव्हते कारण येथे असणाऱ्या उपकरणांचा अभाव. त्यामुळे पेशंटला सर्रास पंढरपूर मिरज अथवा सोलापूर येथे जावे लागत होते.
ती कमतरता शिर्के मल्टिस्पेशालिटी हॉस्पिटल येथे उभारण्यात आलेल्या सुसज्ज अशा ऑपरेशन थेटर मुळे भरून निघण्यास मदत होईल व येथे सर्व प्रकारचे हाडांचे ऑपरेशन होतील असा आम्हाला विश्वास आहे.
तसेच या प्रसंगी बोलताना डॉक्टर शिर्के शरद म्हणाले की, किडनीतील मुतखडे. मूत्राशयातील मूत्रखडे इत्यादी ऑपरेशन आपल्याकडे सुरू होणार आहेत. स्पेशालिटी हॉस्पिटलचे प्रमुख डॉक्टर प्रीती शिर्के म्हणाल्या की “या नवीन अत्याधुनिक मशीनमुळे आपले हॉस्पिटल हे सर्व सोयीसुविधांनी युक्त झाले आहे व आता हाडांच्या कुठल्याही प्रकारच्या ऑपरेशनची सोय उपलब्ध होईल.
याप्रसंगी मशीनच्या उद्घाटनाच्या कार्यक्रमांमध्ये डॉक्टर शरद शिर्के, डॉक्टर अभिजीत साळुंखे, डॉक्टर अमोल चव्हाण, डॉक्टर अमोल परदेशी, डॉक्टर राठोड, डॉक्टर स्वप्नाली सावंत, संचालिका डॉक्टर जयश्री वाले ,डॉक्टर सुजाता माळी, डॉक्टर शबनम सय्यद हॉस्पिटल मधील सर्व स्टाफ कार्यक्रमामध्ये आदीजन उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज