मंगळवेढा टाईम्स न्युज नेटवर्क ।
मंगळवेढा तालुक्यातील ब्रह्मपुरी व माचणूर येथील भिमा नदी पात्रातून अवैधरित्या मोठ्या प्रमाणात वाळू उपसा सुरू असून नदीपात्रात मोठाले खड्डे पडल्याचे विदारक चित्र आहे.
दरम्यान या वाळू उपशाकडे महसूल प्रशासनाची डोळेझाक होत असल्याने शासनाच्या मालमत्तेवर वाळू तस्करांचा दिवसाढवळ्या दरोडा पडत असल्याने सुज्ञ नागरिकातून महसूलच्या कारभाराविषयी संतापजनक प्रतिक्रिया उमटत आहेत.
दरम्यान कर्तव्यदक्ष जिल्हाधिकारी कुमार आशीर्वाद यांनी तात्काळ लक्ष घालून शासनाच्या मालमत्तेची होणारी चोरी तात्काळ थांबवावी अशी मागणी होत आहे.
माचणूर गावालगत भिमा नदी असून भिमा नदीमधील पाणी कमी झाल्याने वाळू तस्करानी या वाळूवर डोळा ठेवला आहे.
वाळू तस्कर मोटर सायकल व वाहनामधून या वाळूची रात्री व दिवसा चोरी करत आहेत. परिणामी नदी पात्रात जागोजागी मोठाले वाळूचे खड्डे पडल्याचे विदारक चित्र आहे.
वाळू तस्कर वाळूची चोरी करीत असल्याची माहिती संपूर्ण परिसराला माहित होत असताना महसूल खात्याच्या अधिकारी व कर्मचाऱ्यांना कशी काय होत नाही. हे न उलगडणारे कोडे असल्याच्या प्रतिक्रिया परिसरातील नागरिकातून व्यक्त होत आहेत.
मध्यंतरी मोठया प्रमाणात नदीला पाणी आल्यामुळे वाळू पाण्याखाली गेली होती. सध्या नदीच्या पाण्याची पातळी खालावल्याने वाळू उघडी पडल्याने वाळू तस्कर याचा फायदा घेत आहेत. वाळू तस्करी ही संगनमताने सुरू असल्याचा संशय व्यक्त केला जात आहे.
महसूल प्रशासनाची डोळेझाक
माचणूर भिमा नदी पात्रात दिवस रात्र मोठ्या प्रमाणात वाळू उपसा सुरू असून महसूल कर्मचाऱ्यांचे याकडे पूर्णतः दुर्लक्ष आहे. मोटारसायकलद्वारे ही वाळू चोरी केली जात आहे. नदी पात्रात वाळू उपशामुळे मोठाले खड्डे पडले आहेत. तात्काळ वाळू चोरी थांबवावी. प्रताप पाटील, ग्रामस्थ, माचणूर
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
