समाजातील प्रत्येक घटकाच्या अडचणी समजून घेऊन त्यावर मार्ग काढण्याचा मी नेहमीच प्रयत्न केला; प्रदीप खांडेकर यांचा विकासासाठी सातत्याने पाठपुरावा

मंगळवेढा टाईम्स न्युज।

सर्वसामान्य जनतेला केंद्रस्थानी ठेवूनच माझी राजकीय कारकीर्द आजपर्यंत घडली आहे. समाजातील प्रत्येक घटकाच्या अडचणी समजून घेऊन त्यावर मार्ग काढण्याचा मी नेहमीच प्रयत्न केला आहे, असे प्रतिपादन भोसे जिल्हा परिषद गटातील भारतीय जनता पार्टीचे उमेदवार प्रदीप खांडेकर यांनी केले.

आपल्या आजवरच्या सामाजिक व राजकीय कार्याचा आढावा घेतला. जो नागरिक माझ्यापर्यंत पोहोचला, त्याला मी कधीही रिकाम्या हाताने माघारी पाठवले नाही. शक्य त्या सर्व प्रकारे मदत करण्याचा प्रयत्न केला आहे, असे त्यांनी सांगितले.

सर्वसामान्य नागरिकांच्या दैनंदिन जीवनाशी निगडित प्रश्न सोडवण्यासाठी पायाभूत सुविधांचा विकास अत्यंत महत्त्वाचा असल्याचे नमूद करत खांडेकर म्हणाले की, रस्ते, पाणीपुरवठा, वीज, आरोग्य, शिक्षण यांसारख्या मूलभूत सुविधांसाठी मी सातत्याने पाठपुरावा केला आहे.

ग्रामीण भागातील विकासासाठी निधी उपलब्ध करून देणे, कामे वेळेत पूर्ण होण्यासाठी प्रशासनावर दबाव टाकणे, तसेच लोकांच्या समस्या थेट ऐकून घेणे, हा आपला कार्यपद्धतीचा भाग असल्याचेही त्यांनी स्पष्ट केले.

पुढील काळात जिल्हा परिषदेमार्फत अधिक प्रभावीपणे विकासकामे राबवण्याचा मानस असून युवक, महिला, शेतकरी आणि ज्येष्ठ नागरिक यांच्यासाठी स्वतंत्र योजनांवर भर दिला जाईल, असेही त्यांनी सांगितले. राजकारण हे केवळ सत्तेसाठी नसून सेवेसाठी असले पाहिजे, हीच माझी भूमिका आहे.

विरोधकांनी माझ्यावर वैयक्तिक टीका करण्यापेक्षा भोसे जिल्हा परिषद गटाचा विकास कशा प्रकारे करणार आहेत, याची स्पष्ट माहिती जनतेसमोर मांडावे.

विरोधकांकडून केवळ टीका आणि आरोप केले जात असून, विकासाच्या दृष्टीने कोणताही ठोस आराखडा किंवा योजना जनतेसमोर मांडलेली नाही. राजकारण हे वैयक्तिक टीकेपुरते मर्यादित न ठेवता जनतेच्या प्रश्नांवर आणि विकासावर केंद्रित असावे, असे मतही त्यांनी व्यक्त केले.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.