टीम मंगळवेढा टाईम्स ।
मंगळवेढा शहरातील तुकाईनगर भागात राहणार्या एका शिक्षकाचे घर फोडून दागिने ठेवलेले कपाटच पळविण्याचा प्रकार घडला होता.
दरम्यान हे कपाट एका शेतात सापडले असून चोरट्यांनी 63 हजार रुपयांचे दागिने मात्र घेवून पोबारा केला आहे. त्या कपाटाचा पोलिसांनी पंचनामा करून कपाट पोलिस स्टेशनमध्ये जमा केले असल्याचे पोलिसांकडून सांगण्यात आले.
यातील फिर्यादी प्रशांत एकतपुरे हे मरवडे येथे शिक्षक असून ते दिवाळीच्या सुट्टया लागल्याने घराला कुलूप लावून वेळापूर येथे कुटुंबासह गेले होते.
दि.2 नोव्हेंबरच्या पहाटे 3.00 वा. चोरटयांनी घरात प्रवेश करून कपाटाचे कुलूप न निघाल्याने चक्क कपाटच घेवून पोबारा केला होता. सकाळी 8.00 वा. घरमालकाने त्यांना फोन करून तुमच्या घराचे कुलूप कोणीतरी तोडले असल्याचे सांगितले.
या प्रकरणी अज्ञात चोरटयाविरूध्द गुन्हा दाखल झाला होता. मागील दोन दिवसापुर्वी एक शेतकरी मकेची वैरण तोडावयास गेल्यानंतर सुर्यफूल पिकात लोखंडी कपाट पडलेले व कपडे अस्ताव्यस्त पडलेले त्यांना दिसून आले.
याबाबत तपास अंमलदार पठाण यांना माहिती दिल्यानंतर त्यांनी त्यांचे सहकारी शिंदे आदींनी घटनास्थळी येवून कपाटाचा पंचनामा केला.
यावेळी कपाटाची तपासणी केल्यानंतर कपाटातील 63 हजार रुपयांचे दागिने व साडया मात्र गायब झाल्याचे दिसून आले. लहान मुलाचे कपडे जागेवर टाकून दिले होते.
तसेच कपाटाजवळ चपलांचा जोडही पोलिसांना मिळून आला.पोलिसांनी ते कपाट उचलून मंगळवेढा पोलिस स्टेशनमध्ये जमा केले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
