टीम मंगळवेढा टाईम्स ।
धनश्री महिला ग्रामीण पतसंस्था, धनश्री मल्टिस्टेटच्या संचालिका व सीताराम महाराज सहकारी साखर कारखान्याच्या मुख्य कार्यकारी अधिकारी डॉ.सौ.राजलक्ष्मी काळुंगे-गायकवाड यांना महाराष्ट्र संवाद न्यूजचा “नवदुर्गा” हा बहुमान देऊन त्यांना सन्मानित करण्यात आले आहे.
शिक्षण, सहकार, समाजकारण धार्मिकता आणि राजकारण या पंचसुत्री अंगिकारलेले शिवाजीराव व शोभाताई काळुंगे यांचे कुटुंब गेल्या अर्ध्या शतकाहून अधिक काळ मंगळवेढ्याच्या पुण्यनगरीमध्ये आपल्या कार्यकर्तृत्वाने परिचित आहे.
याच कुटुंबातील त्यांच्या ज्येष्ठ कन्या डॉक्टर राजलक्ष्मी काळुंगे गायकवाड यांनी आपल्या कुटुंबाचा सामाजिक वारसा जपला वैद्यकीय व्यवसायात आपले पती रविराज गायकवाड यांच्यासोबत वैद्यकीय व्यवसायातून सामाजिक बांधिलकी जोपासत
आपल्या आई-वडिलांच्या कार्याला साथ देण्याचे कर्तव्य त्या बजावीत आहेत. धनश्री परिवाराचे संस्थापक शिवाजीराव काळुंगे यांनी शिक्षण क्षेत्रातून सहकाराकडे लक्ष घालून धनश्री पतसंस्था, धनश्री मल्टीस्टेट
याच बरोबर पंढरपूर तालुक्यात सिताराम महाराज सहकारी साखर कारखाना यांच्या माध्यमातून सोलापूर जिल्ह्यातील तालुक्यांमध्ये सहकारातील अर्थकारणातून हजारो कुटुंबाचे रोजी रोटी मिळवून दिली.
त्यांच्या जेष्ठ कन्या राजलक्ष्मी काळुंगे गायकवाड या त्यांच्याच मार्गदर्शनाने महाराष्ट्रातील एक सुसज्ज साखर कारखाना चालवणाऱ्या सीईओ / एमडी पहिल्या महिला भगिनी आहेत.
म्हणून त्यांना या वर्षाचा महाराष्ट्र संवाद न्यूज यांचा मंगळवेढ्याच्या नवदुर्गा हा बहुमान देऊन त्यांना सन्मानित करण्यात येत आहे. त्यांच्या पुढील कार्यास हार्दिक शुभेच्छा.- भिमराव मोरे ९८९०१११२२७
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
