मंगळवेढा टाईम्स वृत्तसेवा:-
मंगळवेढा – पाठकळ मार्गावर मोटरसायकलवरून अवैद्यरित्या गुटखा वाहतूक केल्याप्रकरणी भाळवणी येथील सदाशिव महादेव वाडकर (वय.४५ ) याच्याविरूद्ध गुन्हा दाखल करण्यात आला आहे.
आरोपी सदाशिव वाडेकर कडून जवळपास ९१ हजाराचा अवैद्य गुटखा जप्त करण्यात आला आहे. सरदची कारवाई स्थानिक गुन्हे अन्वेषण शाखेने केलेली असून आरोपीवर मोक्का अंतर्गत कारवाई करण्यात यावी अशी मागणी केली जात आहे.
मंगळवेढा शहरापासून केवळ २२ कि . मी . अंतरावर कर्नाटक राज्य असल्याने येथून व्यवसायिक मोठ्याप्रमाणात गुटखा खरेदीकरून मंगळवेढ्यात अवैद्यरित्या आणून पानटपऱ्या व खुले आम शहर व ग्रामिण भागात विक्री केली जात असल्याचे चित्र आहे.
गुटखा विक्रीवर कारवाई करण्यासाठी स्वतंत्र अन्न व औषध प्रशासन विभाग आहे. हा विभाग सातत्याने कारवाई करण्यात अपयशी ठरत असल्याने राज्यसरकारने गुटखा बंदी करूनही त्याचे फलीत मिळत नसल्याचा आरोप जनतेमधून होत आहे.
दि . १४ रोजी मंगळवेढा – पाठखळ मार्गावरून होडां शाईन गाडी क्रमांक एम . १३ बी एस ३०२२ वरून आरोपी सदाशिव वाडेकर हा अवैद्यरित्या गुटखा घेऊन जात असताना मिळून आला याची फिर्याद अन्न व औषध प्रशासनचे मंगेश लवटे यांनी दिली आहे.
दरम्यान या पूर्वीही तो गुटखा वाहतूक करताना मिळून आल्याने त्याच्यावर कारवाई झाली होती पुन्हा तोच आरोपी गुटखा नेताना सापडला असल्याने गुटख्याची विक्री तेजीत सुरू असल्याच्या प्रतिक्रिया नागरीका मधून उमटत आहेत .
गुटखा कंपन्यांचे मालक तसेच अवैध गुटखा विक्री व्यवसायाचे सूत्रधार यांच्याविरुद्ध मोक्का अंतर्गत कारवाई करण्याचा इशारा उपमुख्यमंत्री अजित पवारांनी दिला होता.त्या अंतर्गत ही कारवाई होणार का ? याकडे सर्वांचे लक्ष लागून राहिले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
