पालकमंत्री दत्तात्रय भरणेंचा आज मंगळवेढा, पंढरपूर दौरा; सुटीदिवशी आढावा बैठकीचे आयोजन

टीम मंगळवेढा टाईम्स । प्रशासनातील अधिकाऱ्यांनी सुटीदिवशी आढावा बैठक ठेवू नये,अशी विनंती केलेली असतानाही पालकमंत्री दत्तात्रय भरणे हे आज शनिवारी सोलापूर दौऱ्यावर येत आहेत. यात आणखी भर म्हणजे कोरोना उपाययोजनेच्या आढाव्याची बैठक पंढरपूर व मंगळवेढ्यात ठेवण्यात आल्याने अधिकारी परेशान झाल्याचे चित्र पहावयास मिळत आहे.

राज्यात महाविकास आघाडीची सत्ता आल्यापासून सोलापूर जिल्ह्याला तीन पालकमंत्री मिळाले. दत्तात्रय भरणे यांच्याकडे पालकत्व आल्यापासून त्यांनी आतापर्यंत सुटीच्या दिवशी दौरा केला आहे.त्यामुळे कोरोनाच्या साथीत अहोरात्र काम करणाऱ्या अधिकाऱ्यांना उसंत मिळत नसल्याच्या तक्रारी वाढल्या. त्यामुळे जिल्हाधिकारी मिलिंद शंभरकर यांनी अधिकाऱ्यांची ही विनंती पालकमंत्री भरणे यांच्यापर्यंत पोहोचविली. त्यानंतर ऑगस्ट महिन्यात स्वातंत्र्य दिनामुळे त्यांना दौरा करावा लागला होता.

पण आता ते पुन्हा आज दौऱ्यावर येत असल्यामुळे अधिकारी हैराण झाल्याचे शुक्रवारी दिसून आले. यात भर म्हणजे आढावा बैठक सोलापूरऐवजी पंढरपूर व मंगळवेढा येथे ठेवण्यात आल्यामुळे अधिकाऱ्यांची धावपळ वाढली आहे.

राजकीय तक्रारी वाढल्या

पालकमंत्री दत्तात्रय भरणे यांच्यावर काँग्रेसच्या कार्यकत्यांनी प्रदेशाध्यक्ष तथा महसूल मंत्री बाळासाहेब थोरात यांच्यासमोर हल्लाबोल केला होता.भरणे विश्वासात घेत नाहीत , अशी काँग्रेस कार्यकर्त्यांची तक्रार आहे.

चक्क पत्रकार परिषदेत पालकमंत्री भरणे यांनी काँग्रेसच्या प्रदेशाध्यक्षांना पाहुणे म्हणून संबोधले होते. पालकमंत्री झाल्यापासून भरणे मंगळवेन्याकडे फिरकले नाहीत , अशा कार्यकत्यांनी तक्रारी केल्याने या दौऱ्याचे नियोजन केले गेल्याचे बोलले जात आहे.

मंगळवेढा नगरपालिकेने आवाहन

सोलापूर जिल्ह्याचे पालकमंत्री दत्तात्रय भरणे, जिल्हाधिकारी मिलिंद शंभरकर व इतर वरीष्ठ अधिकारी मंगळवेढा शहरात कोरोना व इतर विषयांवर आढावा बैठक व शहराची पाहणी करण्यासाठी येणार आहेत. शहरातील व्यावसायिक यांनी मास्कचा वापर करावा, येणार्‍या ग्राहकाला सुधा मास्क वापरण्यास सांगावे, दुकानात गर्दी होणार नाही याची दक्षता घ्यावी, सनीटेझेर अथवा साबण व पाणी ठेवावे, दुकाना समोर सुरक्षित अंतर ठेवण्यासाठी गोल सर्कल आखून घ्यावेत व दिलेल्या सूचनाचे पालन करावे. असे आवाहन करण्यात आले आहे.

Guardian Minister of Solapur Dattatraya Bharane’s review meeting in Mangalvedha and Pandharpur

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.