मंगळवेढा टाईम्स न्युज नेटवर्क ।
पीडित मुलगी अल्पवयीन असल्याची माहिती असतानाही विवाह लावून दिल्याप्रकरणी आई- वडिलांसह चौघांवर करमाळा पोलिस ठाण्यात गुन्हा दाखल झाला आहे.
करमाळा तालुक्यातील गौंडरे येथे हा बालविवाह झाला होता. सुमारे अडीच वर्षांनी हा गुन्हा दाखल झाला आहे.
या प्रकरणात संबंधित बालविवाह करणाऱ्यासह पीडितीचे आई-वडील व बालविवाह करणाऱ्याच्या आई-वडिलांविरुद्ध बालविवाह प्रतिबंधक कायद्यानुसार हा गुन्हा दाखल झाला आहे.
बालविवाह प्रतिबंध अधिकारी तथा ग्रामविकास अधिकारी बापू दौंडे यांच्या फिर्यादीवरून हा गुन्हा दाखल झाला आहे.
गौंडरे येथील मंदिरात पीडित अल्पवयीन मुलीचा मे २०२३ मध्ये विवाह झाला होता. टेंभुर्णी पोलिस ठाण्यात याप्रकरणात २०२३ मध्ये ३६३ व ३७० सह पोक्सो अंतर्गत गुन्हा दाखल होता.
याचा तपास पोलिस उपनिरीक्षक कुलदीप सोनटक्के यांच्याकडे होता. त्या जबाबात पीडित अल्पवयीन मुलीने गौंडरे येथील विवाहाची माहिती दिली.
याबाबत करमाळा पोलिस ठाण्यातील पोलिस हेडकॉन्स्टेबल मयूर गव्हाणे यांनी बालविवाह प्रतिबंध अधिकारी तथा ग्रामविकास अधिकारी दौंडे यांना २ सप्टेंबर २०२५ रोजी माहिती दिली. त्यानंतर त्यांनी बालविवाह प्रतिबंध समिती व वरिष्ठ अधिकाऱ्यांशी चर्चा करून फिर्याद दिली.
यामध्ये पीडित मुलगी अल्पवयीन असल्याची माहिती असतानाही विवाह लावून दिल्यामुळे तिचे आई-वडील (रा. चोंभेपिंपरी, ता. माढा) व विवाह करणाऱ्यासह त्याचे आई-वडील (रा. म्हैसगाव, ता. माढा) यांच्याविरुद्ध गुन्हा दाखल झाला आहे. मुलगी अल्पवयीन असल्याची माहिती असतानाही संगनमताने नातेवाइकांनी विवाह केल्याप्रकरणी हा गुन्हा दाखल झाला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
