मंगळवेढा टाईम्स वृत्तसेवा:-
शेतात पाणी देण्यासाठी व राखण करण्यासाठी चिंचोलीहून दुचाकीवरून पांगरी – कारी रस्त्यावर जात असलेल्या शेतकऱ्यास अज्ञात वाहनाने समोरुन जोरदार धडक दिली. या अपघातात त्यांचा जागीच मृत्यू झाला.
ही घटना २१ जानेवारी रोजी रात्री साडेदहा वाजण्याच्या सुमारास पांगरी – कारी राज्यमार्गावर घडली आहे.
याबाबत सविस्तर माहिती अशी की ,अंगद राजाराम जाधव (वय ३० , रा . चिंचोली , ता . बार्शी) असे मृत शेतकऱ्याचे नाव आहे.
त्यांच्या पश्चात पत्नी , जुळी मुले , आई – वडील असा परिवार आहे . अंगदचे भाऊ विठ्ठल राजाराम जाधव यांनी पांगरी पोलिसांत दिलेल्या फिर्यादीत म्हटले आहे , अंगद जाधव हे शेतातील पिकांना पाणी देण्यासाठी दुचाकीवरून ( एम . एच . १३ ए . डब्ल्यू . ९३६३ ) जाताना अज्ञात वाहनाने जोरदार धडक दिली . त्यात ते गंभीर जखमी झाल्याने त्यांना पांगरी येथील ग्रामस्थांनी सांगली ग्रामीण रुग्णालयात उपचारासाठी दाखल केले.
मात्र उपचारादरम्यान त्यांचा मृत्यू झाला . याबाबत पांगरी पोलिसात अपघाताची नोंद झाली असून , पुढील तपास पोलीस हेडकॉन्स्टेबल मनोज भोसले करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
