टीम मंगळवेढा टाईम्स ।
एकीकडे शासनाकडून अमली पदार्थ आणि घातक तंबाखूजन्य पदार्थांविरुद्ध मोहीम राबवली जात असताना, मंगळवेढा शहरात मात्र ‘ओला’ आणि ‘सुका’ माव्याचा मोठ्या प्रमाणावर सुळसुळाट झाला आहे.
चडचण (कर्नाटक) येथून मोठ्या प्रमाणात माव्याचा साठा मंगळवेढ्यात (एजंट) तस्करी करून आणला जात असून, शहराच्या कानाकोपऱ्यातील टपरींवर तो खुलेआम विक्रीसाठी उपलब्ध आहे. या प्रकारामुळे तरुण पिढी व्यसनाच्या आहारी जात असून, त्यांचे आरोग्य धोक्यात आले आहे.
नेमकी परिस्थिती काय?
मिळालेल्या माहितीनुसार, चडचण परिसरातून येणारा हा मावा अत्यंत निकृष्ट दर्जाचा आणि घातक रसायने मिश्रित असल्याचा संशय आहे.
मंगळवेढ्यातील मुख्य बाजारपेठेपासून ते शाळा-महाविद्यालयांच्या परिसरातील टपरींपर्यंत हा माल पोहचवला जात आहे. अत्यंत कमी किमतीत उपलब्ध होत असल्याने शालेय विद्यार्थी आणि तरुण मुले याच्या विळख्यात अडकत आहेत.
प्रशासनाचा बेजबाबदारपणा
हा सर्व प्रकार उघडपणे सुरू असतानाही, अन्न व औषध प्रशासन (FDA) मात्र याकडे डोळेझाक करत आहे. आतापर्यंत यासंदर्भात कोणतीही ठोस कारवाई किंवा धाडसत्र राबवण्यात आलेले नाही.
प्रशासनाच्या या ‘अर्थपूर्ण’ दुर्लक्षामुळे विक्रेत्यांचे धाडस वाढले असून, शहरात माव्याचे जाळे दिवसेंदिवस विस्तारत आहे.
पालकांची चिंता, नागरिकांची मागणी
या घातक पदार्थांमुळे तरुण पिढीच्या आरोग्यावर गंभीर परिणाम होत आहेत. यामुळे कॅन्सरसारख्या दुर्धर आजारांचा धोका बळावला आहे. संतप्त पालकांनी आणि जागरूक नागरिकांनी आता प्रशासनाला घरचा आहेर देण्याची तयारी केली आहे.
जर तातडीने या तस्करीवर बंदी घातली नाही आणि टपरीधारकांवर कडक कारवाई केली नाही, तर तीव्र आंदोलनाचा इशारा नागरिकांनी दिला आहे.
आता पाहणे महत्त्वाचे ठरेल की, अन्न सुरक्षा विभाग या गंभीर बाबीची दखल घेऊन ठोस कारवाई करतो की, केवळ कागदी घोडे नाचवत राहतो.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
