टीम मंगळवेढा टाईम्स ।
‘फेसबुक’ आयडी हॅक करून आर्थिक फसवणूक झाल्याची घटना समोर येत आहेत. मंगळवेढा येथील शिक्षकाचे फेसबुक आयडी हॅक करून त्यांच्या नातेवाईक आणि मित्रांना मेसेज पाठवण्यात आले. मुलगी आयसीयूमध्ये दाखल असून त्यांना 10 ते 20 हजार रुपयांची मदत करा, असा उल्ले मेसेजमध्ये करण्यात आला होता.
फेक अकाउंटद्वारे लोकांना फसवणे हा काही नवीन प्रकार नाही. आपण जर बघितलं तर असे अनेक प्रकार आपल्या डोळ्यांसमोर उभे राहतात. पण याचा फटका चक्क मंगळवेढा येथील एका नगरपालिकेच्या शिक्षकाला बसला आहे. हे ऐकून अनेकांनी आश्चर्यही व्यक्त केले आहे.
शिक्षकांच्या नावाने बनावट फेसबुक अकाऊंटवरून शहरातील प्रतिष्ठित नागरिकांकडे पैशांची मागणी करण्यात येत आहे. त्यामुळे आता शहरात अनेकांची चिंता वाढली आहे.
फेक अकाउंटवरुन मेसेज
आरोपीने मंगळवेढयातील एका शिक्षकाचे फेसबुकवर फेक अकाउंट तयार केले. त्यानंतर त्या फेक अकाउंटवरून काहीजणांनाकडे पैशांची मागणी केली.
याबाबत संबंधित शिक्षकाला पत्रकारांनी याबाबत माहिती दिली. दरम्यान, फेक फेसबुक अकाउंट बनवून पैसे मागणीचा प्रकार मंगळवेढ्यात दुसऱ्यांदा घडला आहे.
सोशल मीडियावर अनेकदा आपण फेक अकाउंटबद्दल ऐकले वाचले असेल. मात्र, मंगळवेढ्यातील चक्क शिक्षकांच्या नावाने फेसबुक अकाउंट बनवून त्याद्वारे पैशांची मागणी करण्यात येत आहे.
यासाठी बनावट अकाउंटधारक मॅसेंजरवर चॅटींग करून फसवणूक करीत असल्याचे लक्षात आलं आहे. आरोपी गुगल पे अकाउंटद्वारे पैशांची मागणी करतो. पैशांची अर्जंट गरज असून पैसे द्या, असं आरोपी सांगतो. आरोपी यासाठी प्रत्यक्ष भेटण्याऐवजी गुगल अकाउंटचा क्रमांकही देतो.
सायबर क्राईमपासून सावध राहा
आता तुम्हीपण सावध रहा. तुम्ही देखील फेसबुकचा वापर करतायना? मग फेसबुकवर आलेली अनोळखी रिक्वेस्ट स्वीकारणे हे धोक्याचे ठरू शकते. कारण सध्या फेसबुकवर फेक अकाउंट्सचा सुळसुळाट सुटला आहे.
फेक अकाऊंट कसे ओळखायचे
फेक अकाऊंट कसे ओळखायचे, त्याचबरोबरच फेक अकाउंटमुळे निर्माण होणाऱ्या धोक्यांपासून सावध कसे राहावे, याची आधी खात्री करून घेतली पाहिजे. एकतर त्या व्यक्तीला संपर्क करा,अन्यथा ब्लॉक करा नाहीतरी तुम्ही देखील याचा शिकार होऊ शकता.
तुम्ही हे काम करा
आपण जर फेसबुक अकाउंट वापरत नसाल तर ते अकाउंट आपण डिलीट करून टाकावे कारण बरेच दिवस जुने अकाउंट असलेले यांच्या नावे फेक अकाउंट काढून पैशाची मागणी होत असल्याचे निदर्शनास येत आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
